WAZAZI NA WALEZI WATAKIWA KUFUATILIA MAENDELEO YA WATOTO WAO DARASANI

Tangakumekuchablog

Tanga, AFISA Elimu shule za msingi halmashauri ya jiji la Tanga, Godfrey Mkingo, amewataka wazazi na walezi kuwa na ada ya kufuatilia maendeleo ya watoto wao shuleni na kuacha kuzurura mitaani.

Akizungumza kwenye mahafali ya 8 shule ya India Ocean English Midium jana, Mkingo alisema watoto wengi wamekuwa wakizagaa mitaani muda wa shule na hivyo kuwataka wazazi kushirikiana na walimu kuhakikisha kila mtoto anahudhiria masomo darazani.

Alisema ili kuweza kukabiliana na wimbi hilo amezitaka kamati za shule na wazazi pamoja na walezi kushirikiana katika maendeleo ya watoto darasani na kuunda timu moja ya ufuatiliaji watoto majumbani na darasani.

“Leo hapa tuko pamoja na wazazi na walezi pamoja na watoto wetu katika mahafali haya ya nane-----utoro darasani tukemee na majumbani kwetu tusiwaruhusu ucheza” alisema Mkingo na kuongeza

“Kuna baadhi ya wazazi wamekuwa wakiwatumikisha watoto wao muda wa masomo shuleni jambo hili ni baya na halikubaliki linamkosesha haki ya elimu mtoto” alisema

Kwa upande wake Mkurugenzi wa shule hiyo, Samwel Kimbute, amewataka walimu shuleni hapo kuzidisha bidii ya ufundishaji darasani na kutobweteka na mafanikio yaliyofikiwa.

Alisema shule hiyo imejiwekea mikakati ya kuhakikisha inashika nafasi ya kwanza katika ufaulishaji na hivyo kuwataka walimu dhima hiyo kuwa kipaumbele chao wakati wa ufundishaji darasani.

“Nawaomba walimu kuzidisha kasi ya ufundishaji darasani na kuacha kubweteka na mafanikio tuliyopata----hii ni faida kwa vijana wetu kuwa viongozi bora na mahiri wa baadae” alisema Kimbute

Aliwataka wazazi na walezi kuwa na mawasiliano na uongozi wa shule na kupeana taarifa za maendeleo ya vijana wao lengo likiwa ni kuhakikisha watoto wanahudhuria masomo darasani kwa wakati.

                                                             Mwisho