MAJIMAREFU ATOA TAHADHARI WALA PESA ZA WANANCHI

Tangakumekuchablog

Korogwe, MBUNGE wa jimbo la Korogwe Vijijini, Stivin Ngonyani (CCM), amewaonya viongozi wa kata na vijiji kuepuka ubadhirifu kula  pesa za wafadhili na walipa kodi vyenginevyo wataanza kutumbuana majipu wenyewe kwa wenyewe kabla hayajawa tambazi.

Akizungumza katika mkutano wa wananchi kuwashukuru kwa kumchagua kwa awanu ya pili kuwa Mbunge wao jana uliofanyika kata ya Makuyuni, Ngonyani maarufu kama Profesa Majimarefu, alisema hatukuwa tayari kuona pesa za walipa kodi zinaliwa na wajanja.

Majimarefu katika mkutano huo baada ya kusikiliza kero za wananchi alitoa shilingi milioni tatu zikiwa msaada  kuchonga barabara  ya Makuyuni itokayo milimani iliyoharibiwa na mvua iliyonyesha wiki iliyopita pamoja na ujenzi wa Zahanati ya wazee na watoto.

“Wananchi wenzangu nimekuja hapa kutoa shukurani zangu za dhati na taadhima kwa mapenzi yenu kwa kunichagua kwa nmara ya pili, name fadhila yangu kwenu ni kutoa msukumo kwa shughuli za maendeleo” alisema Majimarefu na kuongeza

“kuna viongozi wengine wanayatumia vibaya misaa da ya wafadhili na pesa za wananchi na leo nachangia milioni tatu ili kuhamasasisha watu kujitolea  katika miradi ya maendeleo” alisema

Akizungumza kuhusu wakulima kupata  pembejeo za kilimo na mikopo nafuu, Majimarefu alisema atahakikisha bei za pembejeo  zinapatikana kwa bei nafuu na kuepukana na kero ya kufuata mjini.

Alisema atahakikisha pembejeo za kilimo zinapatikana karibu na wakulima maeneo yao pamoja na kupata mikopo yenye masharti nafuu ili kuhakikisha mkulima anapata unafuu katika kilimo chake.

Alisema ataita wataalamu wa kilimo na masoko kufika kutoa elimu ya kilimo na upatikanaji wa masoko lengo likiwa ni kumuokoa mkulima wa chini na kuwa wa kisasa.

“Hapa tutahakikisha kilimo cha mkulima mdogo kinakuwa kilimo kama ilivyo cha mkubwa, watakuja walimu wa kilimo na masoko, pembejeo sio tena kufuata mjini ni hapahapa tena kwa mkopo nafuu” alisema Majimarefu

Alisema rutba nzuri ya ardhi yenye kukubali aina mbalimbali za kilimo ni kila mwenye ardhi kuitumilia kwa kilimo na matumizi bora ya ardhi lengo likiwa ni kutokomeza umasikini Wilayani humo.

                                                           Mwisho