WANNE WAKWIDWA WAKISAFISHA MIHADARATI

Tangakumekuchablog

Korogwe, KIKOSI Maalumu cha Kupambana na Mihadarati Wilayani Korogwe Mkoani Tanga, imewakamata watu wanne kwa tuhuma za kusafirisha mirungi kilo 121 wakati wa ukaguzi wa magari zoezi linalofanywa masaa 24 kila siku.

Zoezi hilo linalosimamiwa na Kamanda wa Operesheni Wilaya ya Korogwe, Jeremiea Ouko, linadaiwa kufanikiwa baada ya kuziba njia na mbinu zitumiwazo na wasafirishaji wa njia ya barabara na njia za panya.

Akizungumza na waandishi wa habari jana, kamanda wa polisi Mkoa wa Tanga, Mihayo Msikhella, aliwataja watu hao kuwa ni, Said Seif (29), Mbwana Kassim (37), Athumani Abdalla (19)  na Salim Hussein (19)  wote wakiwa ni wakazi wa Korogwe.

Alisema watu hao walikuwa wakisafirisha kwa kutumia gari aina ya Noah na kufunga kwenye magunia ya mkaa kuficha ushahidi jambo ambalo polisi waligundua baada ya kusikia harufu kali ya mirungi.

“Ile gari ilipofika katika kizuizi cha Kwasunga dereva alikataa kusimama baada ya polisi kulisimamisha, iliwapa wasiwasi na kuifukuzia na ndipo iliposimama na wakati wakijaribu kukimbia wakadakwa” alisema Msikhella na kuongeza

“Waligoma kufungua magunia na kudai kuwa ni mkaa na wakiushusha utatoa vumbi, polisi ilishusha kumbe magunia waliyapaka mkaa ili kuficha ushahidi na kukutaka mirungi kibao” alisema

Alisema watuhumiwa hao wanashikiliwa kituo kikuu cha polisi cha Chumbageni kwa mahojiano na upelelezi utakapokamilika watafikishwa mahakamani kujibu tuhuma zinazowakabili.

Kwa upande wake Kamanda wa Operesheni Korogwe, Jeremia Ouko , aliwataka wamiliki wa magari na madereva kuacha kutumiliwa na wasafirishaji mihadarati na kusema kuwa ukaguzi wa magari na wasafirishaji wa njia za panya wakiwemo wa pikipiki polisi watakuwa wako kazini.

Alisema mbinu zote za kusafirisha mirungi na madawa mengine polisi inazitambua hivyo kuwataka watu kuacha kutumiliwa na kwa tama ya pesa ambazo wakigundulika wateja wao huwaruka.

“Kuna baadhi ya madereva huingiwa na tama ya pesa na hubadilikwa na roho  bila kujali mzigo ambao wanabebea, tama yao mwisho huwa majuto kwani polisi sasa hivi wako makini na madawaya kulevya” alisema Ouko

Aliwataka wamiliki wa magari ya abiria na mizigo kuwapa tahadhari madereva wao kuacha kubeba mihadarati na mizigo ya magendo kwani polisi inafanya upekuzi yakinifu .

                                                    Mwisho

  Kamanda wa Polisi Tanga, Mihayo Msikhella, akiwaonyesha mirungi iliyokamatwa kizuizi cha Kwasunga Korogwe katika Operesheni tokomeza mihadarati juzi.

 Kamanda wa Operesheni Wilaya ya Korogwe Mkoani Tanga, Jeremia Ouko, akitoa viroba vya mirungi vilivyokamatwa wakati wa Operesheni tokomeza madawa ya kulevya katika kizuizi cha polisi Kwasunga juzi.