WAFANYABIASHARA WA VYAKULA TANGA WAASWA

Tangakumekuchablog

Tanga, BEI za vyakula katika masoko  Tanga zimepanda   maradufu na baadhi ya Masheikh kulazimika kuzitumia mimbari zao kwa kuwaasa  wafanyabiashara kutofanya hivyo kwa madai kuwa ni makosa.

Hii inafuatia siku ya kwanza ya mwezi Mtukufu wa Ramadhani kuanza  vyakula katika masoko na maduka kupanda bei maradufu na wafungaji kupatwa na kitisho cha ghafla.

Katika Soko kuu la Ngamiani, Mgandini na Uzunguni bei za Nazi, mafuta, unga na baadhi ya vyakula vitumikavyo kwa futari kupanda bei maradufu jambo ambalo masheikh kulazimika kuingilia kati.

Imamu Mkuu wa Msikiti wa Quba, Mohammed Abdullazizi, amewataka wafanyabiashara kuacha kuwalangua wafungaji na kudai kuwa kufanya hivyo ni makosa na dhambi.

Amesema bei hizo zimewashtua wengi na kulazimika kuingilia kati na kusema kuwa wataiomba tume ya kudhibiti bei kuingia kati ili kuwapa unafuu wafungaji hasa kipindi hiki cha Mwezi mtukufu wa Ramadhani

                                           Mwisho