WAFANYABIASHARA WA VYAKULA WAASWA TANGA

Tangakumekuchablog

Tanga, WAFANYABIASHARA wa wenye maduka na sokoni Tanga wameaswa kutopandisha bei za vyakula kipindi cha kuanza mfungo wa mwezi mtukufu wa Ramadhani kwa Waislamu.

Akizungumza na waandishi wa habari jana, Kamishna wa NCCR Mageuzi Mkoa wa Tanga, Ramadhani Manyeko, alisema dalili za awali zinaonyesha vyakula vitapanda bei maradufu.

Alisema kwa tathmini yake nazi, unga na mafuta ambavyo hutumiwa kwa wingi kipindi cha mfungo vimepanda hivyo kuwapa wakati mgumu wafungaji kipindi chote cha ssaumu.

“Nimefanya tathmini na kupitia katika masoko na kugundua nazi unga na mafuta pamoja na sukari ambayo tumeshazoea bei zake ziko juu maradufu, tukumbuke kuwa mwezi huo si wa ulanguzi bali ni wa machumo wa kupata thawabu” alisema Manyeko na kuongoeza

“Kwanza maisha ni magumu halafu mfanyabiashara kwa makusudi anawazidishia ukali wa maisha na saumu mfungaji kwa tamaa tu ya kujipatia pesa kwa njia za kiulanguzi” alisema

Manyeko aliwataka wafanyabiashara hao kwanza kumkumbuka Mungu katika biashara zao kwa madai kuwa utajiri hauwezi kuwafikia kipindi cha Ramadhani pekee.

Alisema kipindi hiki cha mfumuko wa bei ya sukari katika baadhi yaMikoa inaweza kuwaweka katika wakati mgumu wafungaji kwani vyakula vingi vitumikavyo kama futari hutumia sukari.

Aliwataka wafanyabiashara hao kuacha kupandisha bei na kuwapa nafuu wafungaji ikiwa na pamoja na kumuogopa Mungu kwa kuongeza bei vyakula kipindi chote cha mfungo.

Mwandishi wa Tangakumekuchablog alitembelea masoko ya Mgandini, Ngamiani, Makorora na Uzunguni na kubaini baadhi ya vyakula kupanda bei ikiwemo Sukari, 2,400, Mahage, 1,700,  Mchele  2,300 na n azi, 800 hadi 1,000.

                                 Mwisho