WATU MILIONI 6 HUFA KILA MWAKA KWA UVUTAJI WA SIGARA

WHO: Pakiti za sigara kukosa maandishi

Mpango wa upakiaji wa sigara katika pakiti zisizokuwa na maandishi utaenezwa kote duniani, katika hatua itakayobadilisha kwa kasi kubwa hali ya afya duniani.

Shirika la afya duniani,WHO limetangaza mpango huo utakao utanza kwa mabadiliko ya sera katika mataifa ya Uingereza, Ufaransa na Australia.
Kauli hiyo hata hivyo imepingwa vikali na muungano wa kampuni zinazotengeneza sigara duniani ikisema kuwa kamwe kauli hiyo haina msingi wowote.
Kila mwaka takriban watu milioni 6 hufaa kutokana na maambukizi yanayohusishwa na uvutaji sigara.
Upakiaji wa sigara katika mapakiti yasiyokuwa na maandishi yeyote ila yale ya kutahadhari watu dhidi ya uvutaji sigara yamepigiwa upatu kupunguza hamu ya kuwavutia wateja wapya wa kuvuta sigara.
Kulingana na mpango huo wa WHO mapakiti hayo yatakuwa na nembo zisizovutia na zenye rangi moja.

Kauli hiyo inatokana na utafiti kuwa mabadiliko hayo yatawanyima raha wavutaji sigara kwa mujibu wa afisa wa WHO Benn McGrady.
Tangu Australia ilipoweka sheria hii mwaka wa 2012 uvutaji sigara ulipungua kwa asili mia 0.55% ambayo ni sawa na takriban watu 108,000 kati ya mwezi Desemba 2012 na Septemba 2015 taarifa hiyo ya WHO inaelezea.
BBC