MAMUNYANGE, MAGU WASHIRIKI MAZISHI YA WATU 8 WALIOCHINJWA AMBONI TANGA

Tangakumekuchablog

Tanga, MKUU wa Majeshini nchini, Devid Mamunyange, ameliagiza jeshi la polisi na vikosi vya Usalama Tanga kuhakikisha majambazi waliofanya mauaji ya kutisha kijiji cha Kibatini kata ya Mzizima Amboni Tanga wanakamatwa haraka.

Ameyasema hayo  jana wakati wa mazishi ya watu 8 waliouwawa kwa kuchinjwa usiku wa Jumatatu  na kusema kuwa msako wa kuwatafuta watu hao ufanyike mara moja.

Amewahakikishia wananchi wa Amboni na Tanga kwa ujumla kuwa Jeshi la Wananchi na vyombo vyengine vya Usalama likiwemo Polisi kuwa tukio kama hilo haliwezi tena kujirudia.

Kwa wake  Inspector Jenerali wa Polisi nchini , Enerest Magu, amewataka polisi kuzidisha ulinzi wa watu na mali zao usiku na mchana ili kuondosha hofu kwa wananchi juu ya usalama wao.

Amesema kufuatia tukio hilo wananchi wameingiwa na hofu na kazi za kujiletea maendeleo kudorora   ikiwemo kilimo na mifugo hivyo kuwataka kuongeza doria maradufu.

Usiku wa kuamkia juzi watu wanaodhaniwa kuwa  ni majambazi waliwauwa watu 8 kwa kuwakusanya kwa  pamoja na kuwachinja mmoja mmoja  mbele ya uwanja wa nyumba ya Mwenyekiti wa Serikali ya Kitongoji tukio ambalo limewashangaza watu wengi.

                                      Mwisho

  Makamanda wa Jeshi la Wananchi (JWTZ) ngazi mbalimbali wakishiriki mazishi ya watu 8 waliochinjwa na watu wanaoaminika kuwa ni majambazi kitongoji cha Kibatini kayta ya Mzizima Amboni Tanga na mazishi yake kufanyika jana.

Umati wa watu  wa Kibatini, Amboni na Tanga wakishiriki katika mazishi ya watu 8 waliuwawa kwa kuchinjwa na watu wanaoaminika kuwa ni majambazi usiku wa Jumatatu

Kwa habari, matukio na michezo ni hapahapa tangakumekuchablog