MKUU WA MKOA WA TANGA AKANUSHA KUWEPO KWA KUNDI LA ALSHABAAB TANGA

Tangakumekuchablog

MKUU wa Mkoa wa Tanga, Said Magalula amevilaumu vyombo vya habari kulishabikia tukio la Amboni Tanga na kulita la  Kigaidi jambo ambalo limeleta taswira mbaya Kimkoa na Kitaifa.

Akizungumza na waandishi wa habarui jioni hii mjini Tanga, Magalula alisema vyombo hivyo vimeipotosha umma na hivyo kuvitaka kutumia weledi wao wa upashaji habari na kuacha kutumia uhuru wa habari vibaya.

Alisema Tukio hilo limekuwa gumzo Tanzania mzima na kuonekana Tanga imevamiwa na kikundi cha Al Shaabab jambo ambalo halina ukweli wowote.

“Kwa siku mbili mfululizo tumeona baadhi ya vyombo vya habari kuripoti tukio kinyume na lilivyo ----kwa kweli limenihuzunisha sana” alisema

“Ukweli wa tukio lile ni la ujambazi ambao walikuwa wakiteka magari na unyan’anyi katika magadouni na na kuficha kule mapangoni---tukimaliza hapa nawaomba sote kwa pamoja twende katika tukio tukashuhudie” alisema Mgalula

Mgalula amevitaka vyombo vya habari kuitumia taaluma yao katika kuandika ukweli na kuacha kuipotosha jamii na kuwaweka katika vitisho na kusababisha kuporomoka maendeleo.

                                                     Mwisho