MTOTO WA WHITNEY HOUSTON BALAA UBWIAJI WA UNGA

Stori kuhusu kupoteza fahamu kwa mtoto wa Whitney Houston.

Katika mfululizo wa taarifa zinazomhusu mtoto wa hayati gwiji wa miondoko ya Pop Whitney Houston anayefahamika kwa jina la Bobbi Kristina Brown ambaye alikutwa akiwa hana fahamu ndani ya beseni la kuogea bafuni kwake imefahamika kuwa mtoto huyo huenda alitumia dawa za kulevya kabla ya kukutwa na mkasa huo .
Kwa mujibu wa ripoti ya polisi wa mji wa Roswell , dawa za kulevya zilikutwa muda mfupi baada ya muigizaji huyo mwenye umri wa miaka 21 kukutwa akiwa hajaitambui ndani ya beseni la kuogea nyumbani kwake huko Atlanta Georgia .
Tayari polisi wameanza kufanya uchunguzi juu ya tukio hilo huku mtoto huyo ambaye ndio mtoto pekee wa hayati whitney na aliyekuwa mumewe Bobby Brown akiwa hospitalini akiendelea kupewa matibabu huku hali yake ikielezwa kuwa ni mbaya lakini inaendelea kutengemaa .

Hali ya Bobbi Kristina bado haijawa nzuri mpaka sasa.

Mume wa Bobbi Kristina Nick Gordon na mchumba wa zamani wa binti huyo Max Lomas walikuwa watu wa kwanza kuwasili kwenye eneo la tukio na kwa mujibu wa rekodi za gazeti la Fulton Max mwenye umri wa miaka 24 alikamatwa akihusishwa na uuzaji wa dawa za kulevya .
Awali Polisi waliripoti kuwa hakukuwa  na dalili ya dawa za kulevya kuwepo eneo la tukio na kwenye nyumba ya Bobbi Kristina , lakini ripoti hiyo ilibadilika na polisi hao hao wamesema kuwa wanaamini kuwa Bobbi alitumia dawa za kulevya kabla ya tukio la kukutwa akiwa hana  fahamu .
Inaaminika kuwa binti huyo aliuwa ndani ya maji kwneye beseni la kuogea kwa muda wa dakika nane na amewekwa katika hali ya kupoteza fahamu na madaktari ili kumsaidia kurejesha mapigo yake ya moyo .

Bobbi Kristina alikutwa kwenye eneo la tukio na mumewe Nick Gordon.

Ripoti nyingine zinadai kuwa mtoto huyo wa Whitney Houston ameanza kupata nafuu ambapo alifungua macho na kufumba mara kadhaa siku ya jumatatu huku chanzo kimoja cha habari kilichoko karibu na familia ya binti huyu kikisema kuwa bado amefungwa mashine ya kumsaidia kupumua na anaendelea kuwepo kwenye chumba cha wagonjwa mahututi ICU .
Habari hizi zimewahuzunisha wengi kwani mama mzazi wa binti huyu Hayati Whitney Houston alifariki dunia kwa mtindo huu huu baada ya kukutwa akiwa ndani ya beseni la kuogea baada ya kusinzia akiwa amelewa .