WAHANGA WA SEKESEKE LA AMBAONI TANGA WALIA NJAA

Tangakumekuchablog Tanga, WACHIMBAJI wa mawe na kokoto eneo ambalo limetokea machafuko ya kujibizana risasi baina ya polisi kwa kushirikiana na jeshi la Wananchi Tanzania (JWTZ) wamevitaka vyombo vya usalama kulimaziza tatizo hilo ili familia zao zisiteseke. Wakizungumza na tangakumekuchablog  kijiji cha Mleni nje kidogo ya Amboni, wachimbaji hao wamesema hadi sasa hawajui namna gani wataweza kuziendesha familia zao kutokana na vyombo vya usalama kuwazuia kuingia eneo la machimbo. Walisema maisha yao wamekuwa wakiyaendesha kulingana na kazi wanazozifanya machimboni huko na hivyo kuwataka kulimaliza sekeseke hilo ambalo wanahofu ya kuchukua muda mrefu. “Leo hapa sisi tupo siku ya pili tumejikalia na kulala kama unavyotuona hatujui tufanye nini-------familia zetu tumezipeleka mjini zisije kufa kwa njaa” alisema Emmanuel Keshi “Sisi hapa tunashindia maji na wasamaria wema kutugaia mikate na kuweza kuuwa njaa----ila jamii itambue kuwa tuko katika mzingira magumu kwani tukio hili limekuja bila taarifa” alisema Kwa upande wake mchimbaji wa kokoto na mawe, Ossea Nyenga, alisema katika eneo hilo la mapango na machimbo wamekuwa wakifika watu kila aina na kutojua mwema na mhalifu ni yupi  na kushauri ni vyema kuweko sheria . Alisema eneo hilo la mapngo ni kubwa na watu kuingia na kutoka bila kuwa na kitambulisho na hivyo kushauri yoyote ambaye atakuwa anaingia kuwa na kibali au kitambulisho wakiwemo watalii. “ Hili eneo la mapango ni la kitalii lakini tunashindwa kuiona Serikali yetu ikiliweka kama sehemu ya kitalii au hifadhi ya taifa-----watu wa kila aina wanakuja kutalii wengine wamo wenye dhamira mbaya” alisema Nyenga Amevitaka vyombo vya usalama kulimaliza tukio hilo ambalo limetetemesha Tanga na nje  na kama kuna dalili zozote za kihalifu kuweza kuchuliwa hatua ili hali za wananchi kurejea na kufanya kazi zao kwa amani.                                                         Mwisho