LIVERPOOL YAMKACHA KIMEO BALOTEL

Meneja wa klabu ya Liverpool amkataa Balotelli

Meneja wa klabu ya Liverpool, Jurgen Klopp amemwambia mshambuliaji Mario Balotelli atafute klabu mpya.

Mshambuliaji huyo Muitaliano mwenye umri wa miaka 25, msimu uliopita alitumika kwa mkopo na klabu ya AC Milan na sasa amerudi Liverpoll kwa maandalizi ya msimu ujao.

Aidha, mshambuliaji huyo wa zamani wa Manchester City amefunga mabao manne tangu ajiunge na klabu hiyo mwaka 2014.

"Hana tena uwezo wa kupambana na wachezaji wanne au watano kwa ajili ya nafasi moja au mbili, hivyo ni wazi tunahitaji ufumbuzi, bila shaka kutakuwa na klabu ambazo wangefurahi kuwa na Mario Balotelli mpya"" alisema Klopp.

Balotelli alifunga mabao matatu tu katika michezo 23 kwa mkopo San Siro msimu uliopita, na hakutajwa katika kikosi cha Italia kilichoshiriki michuano ya Euro 2016.

Wakati huo huo beki Martin Skrtel anajiandaa kuondoka Liverpool kwenda kucheza Uturuki.