MTOTO WA MUIGIZAJI MAARUFU CHINA ALIEKAMATWA NA MADAWA YA KULEVYA AACHIWA HURU

Hii taarifa inamuhusu mtoto wa mwigizaji maarufu duniani Jackie Chan..

Kitendo cha mtoto wa mwigizaji maarufu China Jackie Chan aitwaye Jaycee Chan kukamatwa na dawa za kulevya nyumbani kwake kilimfedhehesha sana baba yake kutokana na kuwa mtu maarufu ndani ya nchi hiyo na duniani kote.

Licha ya umaarufu katika kuigiza Jackie Chan alipewa cheo cha kuwa balozi wa kupambana na dawa za kulevya nchini China.

Jaycee Chan baada ya kutumikia kifungo cha miezi sita jela katika gereza la Checheng kwa tuhuma za kukutwa na watu wakitumia dawa za kulevya nyumbani kwake sasa ameachiwa huru huku akiondoka usiku na kuwakiwakimbia waandishi wa habari na kuahidi kuongea kesho na vyombo vya habari kuomba radhi na kujieleza.

Polisi walimkamata mtoto wa Jackie Chan Agosti mwaka jana pamoja na mwenzake Ko Chen katika nyumba yake iliyopo Beijing,China baada ya kukutwa na zaidi ya gramu 100 zaMarijuana.

Chan angeweza kutumikia adhabu hiyo miaka mingi zaidi lakini mahakama ilipunguza adhabu yake baada ya kukiri kufanya kosa hilo ambalo ni kinyume na sheria.

Nitaendelea kukupatia kila stori inayonifikia mtu wangu, niko tayari kukutumia wakati wowote kupitia www.tangakumekucha.blogspot.com