HABARI KUU ZA KENYA LEO ZILIZOPEWA UZITO NA VYOMBO VYA HABARI NCHINI HUMO

---

Hapa kuna story zote kubwa kutoka Kenya,

Hii ni habari kutoka Kenya, ilirekodiwa wakati ikisomwa hewani Radio Jambo, chukua time yako kufahamu story zote za Kenya leo January 16 kupitia hapa.

Kwenye story zilizosikika kwenye habari hiyo ni pamoja na Rais Uhuru Kenyatta na Naibu wake William Ruto kuviunganisha vyama vyao vya siasa na kuwa chama kimoja ambacho tayari kimesajiliwa, chama hicho kipya ambacho kitajulikana kama Jubilee Alliance Party kitazinduliwa hivi karibuni.

Katibu mkuu wa Chama cha Walimu Kenya  (KNUT), Wilson Sossion amewataka walimu kurejea kazini Jumatatu wiki ijayo baada ya kufutwa rasmi mgomo wao,  chama hicho kimewahakikishia Wanafunzi  kuwa Walimu watamaliza mtaala wa Elimu wa muhula wa kwanza kwa wakati muafaka.

Waziri wa Uchukuzi Kenya, Michael Kamau amewaagiza wamiliki wa  magari aina ya  matatu kupunguza  nauli baada ya kupungua kwa  bei ya Petrol kwa zaidi ya asilimia 25 katika nchi hiyo.

Familia ya Meshack Yebei ambaye alikuwa shahidi katika kesi ya William Ruto katika Mahakama ya ICC, imetilia shaka message waliyopokea kuwa Yebei alikuwa na maafisa wa ICC nchini Uganda na kuitaka idara ya Polisi kuwapa taarifa kamili kuhusu namba ya simu iliyotumika kutuma ujumbe huo, ndugu hao wamesema kuna njama za kuficha mahali aliko baada ya kuripotiwa kupotea katika hali ya kutatanisha nyumbani kwake Kaunti ya  Uasin Gishu.

Polisi wa Kaunti ya Kisii bado wanawasaka wafungwa sita waliotoroka  wakati walipokuwa wakirudishwa gerezani kutoka mahakamani,  lori lililowabeba  lilikuwa na wafungwa 24 wanaokabiliwa na mashtaka mbalimbali ikiwemo wizi  wa kutumia nguvu na ubakaji ambapo waliotoroka waliruka kwenye lori hilo lilipokuwa kwenye mlima.

Mambo haya na mengine mengineyo unayapata kupitia ,tangakumekuchablog