MEYA WA JIJI LA TANGA ATOA AGIZO LA MSAKO WA MADEREVA FEKI WA BODABODA

Tangakumekuchablog

Tanga, MSTAHIKI Meya wa jiji la Tanga, Suleman Mustafa, amewataka wafanyabiashara maarufu kama bodaboda kuacha kuvunja sheria za barabarani ikiwemo kwenda mbio na kukitaka kikosi cha usalama barabarani kufanya msako wa leseni.

Akizungumza kwenye mkutano mkuu wa Bodaboda na Bajaja Wilaya ya  Tanga jana, Mustafa alisema ajali nyingi za barabarani zinasababishwa na madereva wa bodaboda ambao hawana leseni.

Alisema kuna wimbi la madereva feki ambao hawakwenda chuoni na kuwa chanzo cha ajali za barabarani hivyo kukitaka kikosi cha usalama barabarani kufanya msako barabarani na kituo cha maegsho kimoja baada ya kimoja.

“Sekta ya usafirishaji abiria maarufu kama bodaboda imevamiwa na watu ambao hawana sifa ya udereva, hii imekuwa chanzo cha kuongezeka ajali na vifo” alisem,a Mustafa na kluongeza

“Usafirishaji abiria ni huduma muhimu na tegemezi kwa watu wengi hasa maeneo ambayo hakuna huduma ya daladala , lakini tujue kuwa imeiniliwa a watu ambao hawana sifa za udereva hivyo kwa pamoja kila mmoja wetu hapa awe askari wa mwenzake” alisema

Aliwataka viongozi wa umoja huo kuwa na mshikamano ili kuweza kulisaidia jeshi la polisi katika matukio mbalimbali na kuwa mabalozi wa amani katika maeneo yao.

Kwa upande wake Katibu wa Umoja huo wa Pikipiki na Bajaj Wilaya, Michael Haule, amewataka madeva kuwa na mawasiliano na wenzao wanapopata abiria pamoja na kuwasiliana ili kujiwekea mazingira ya usalama mmoja wao anapotoka.

Alisema umoja huo unataka kuondoa utitiri wa vituo hewa ili kuwaondosha wavamizi wasiokuwa na sifa na kuwatambua wanachma  kwa idadi na namba zao katika vituo.

“Kuna utitiri wa maegesho hewa ambayo ni kero huko mitaani na kuweka vitakavyotambuliwa kwa katiba yetu, kama kuna dereva hajajisajili nafasi ipo hajachelewa ili kuweza kugawanya na kuondosha utitiri wa pikipiki kituo kimoja” alisema Haule

Aliwataka maderva hao kutoa ushirikiano kwa jeshi la polisi katika matukio ya kihalifu pamoja na kuwaibua waporaji wa mizigizo ya abiria wakati wa safari ambayo chama kimekuwa kikipokea malalamiko kutoka kwa wateja.

                                     Mwisho

Waendesha pikipiki maarufu kama bodaboda Wilaya ya Tanga wakifuatilia hutuba ya viongozi wao wakati wa mkutano mkuu wa Bodaboda. jana.