SOKO LA NYANYA MASOKO YA TANGA YAPOROMOKA

Tangakumekuchablog

Tanga, BIASHARA ya nyanya katika masoko ya Mgandini, Ngamiani na Makorora Tanga yameporomoka bei  hadi kufikia kilo shilingi mia tatu na wauzaji kulazimika kuuza ili kuepuka kuwaozea mikononi.

Mwandishi wa habari hizi alitembelea masoko hayo na kujionea wafanyabiashara wakiwauzia wateja wao na kusema kuwa kuporomoka kwa bei hiyo inatokana msimu huu wakulima kupata mavuno mengi.

Wamesema hali hiyo inamumiza mfanyabiashara na kumneemesha mlaji na kusema kuwa kama Serikali ingelijenga kiwanda cha kusindika matunda na kutoa fursa za uwekezaji nafuu kwa wawekezaji uporomokaji wa bei hiyo usingetokea.

“Bei ya nyanya imeporomoka kutoka elfu mbili kwa kilo hadi mia tatu kwa kweli haijawahi kutokea kwa miaka ya hivi karibuni, hii ni nafuu kwa mteja na inamuumiza mfanyabiashara” alisema Abubakary Mohammed na kuongeza

“Wakati mwengine mteja anakuja anakwambia yuko na mia tano anataka kilo mbili,ukiwacha pesa wenzako wanachukua na wewe utabaki kusubiri zikuozee mikononi” alisema

Kwa upande wake mteja aliejitambulisha kw ajila moja la Khadija, alisema kuporomoka kwa bei ya nyanya imekuwa neema kwa mlaji pamoja na wafanyabiashara wa hoteli na mama lishe.

Alisema wakati kilo ikiuzwa elfu mbili walikuwa wakitumia viungo kidogo ili kukwepa gharama na kwa sasa mboga zinatumia nyanya huwa wanaweka kwa wingi ili kuongeza ladha kwa mlaji.

“Kwetu sisi wateja ni neema kwani kama mimi mama lishe wakati nilikuwa nikinunua kilo mbili kwa elfu nne sasa nanunua tenga zima kwa elfu saba hadi tano” alisema

Alisema kuporomoka kwa bei ya nyanya iwe sambamba na viazi mviringo ili kuweza kupunguza makali ya maisha ambayo kwa sasa yamekuwa magumu na baadhi ya watu kushindwa kula milo miwili kwa siku.

                                              Mwisho

 Mfanyabiashara wa Nyanya soko la Mgandini Tanga, Abubakary Mohammed , akipanga mafungu kwa ajili ya wateja wake. Nyanya kilo moja alikuwa akiuza 300 na fungu moja alikuwa akiuza 100.

 Mfanyabiashara wa nyanya soko la Mgandini Tanga, Salim Mussa, akipanga nyanya zake kusubiri wateja, kilo moja likuwa akiuza 300 na fungu alikuwa akiuza 100.

Kwa habari, matukio na michezo ni hapahapa tangakumekuchablog