MKINGA YAHOFIWA UGONJWA WA KIPINDUPINDU

Tangakumekuchablog

Mkinga, MKUU wa Wilaya ya Mkinga, Mboni Mgaza, amewataka wananchi Wilaya humo kuweka mazingira ya usafi maeneo yao kujikinga na ugonjwa wa kipindupindu na kuagiza viongozi wa mitaa na vijiji kusimamia zoezi hilo.

Akizungumza katika sherehe za kufunga mafunzo ya awali ya vijana wa kujitolea operesheni Kikwete kikosi 838Kj Maramba juzi, Mgaza aliwataka agizo la Rais Magufuli linatakiwa kuwa endelevu.

Jumla ya wahitimu 617 walimaliza mafunzo yao ya awali ambapo vijana wanne walifukuzwa kambini hapo  kutokana na utovu wa nidhamu .

“Kupitia mkusanyiko huu wa wazazi walezi pamoja na wananchi muliofika hapa napenda kuwajulisha kuwa kuna kitisho cha kuzuka ugonjwa wa kipindupindu, natoa agizo kwa viongozi wa vijiji na mitaa kusimamia usafi wa mazingira” alisema Mgaza na kuongeza

“Ofisi yangu itafanya ukaguzi wa kushtukiza mtaa mmoja baada ya mwengine  na kiongozi yoyote ambaye hataitumilia nafasi yake tutamuwajibisha, mripuko wa ugonjwa wa kipindupindu unatunyemelea” alisema

Aliwataka wananchi kuchukua jukumu la utunzaji wa mazingira wao  wenyewe baada ya agizo la Rais Magufuli la kuwataka kufanya usafi wa maeneo yao hivyo kusema kuwa yoyote ambaye atapuuza atachukuliwa hatua za kisheria.

Awali akizungumza kwenye maadhimisho hayo, Mwakilishi wa Mkuu wa Jeshi la kujenga Taifa makao makuu, Kanali Chacha Munanka, aliwataka vijana hao kuutumia ukakamavu wao kwa maslahi ya jamii na Taifa.

Alisema kuna baadhi ya wahitimu wa mafunzo ya awali ya kijeshi hujihusisha na matukio ya kihalifu ukiwemo uporaji hivyo kusema kuwa mhitimu yoyote ambaye amepitia mafunzo ya kijeshi atakuwa yuko katika uangalizi na kujua nyendo zake.

“Wahitimu wote ambao hupitia mafunzo ya kijeshi watambue kuwa tunawafuatilia nyendo zao, wasidhani wakimaliza ndio tumemalizana nao” alisema Munanka

Aliwataka wahitimu hao kuyatumia mafunzo waliyoyapata  kuwa na faida kwa jamii na Taifa na kuacha kujihusisha na matukio ya kihalifu hivyo kuwataka kuwa mabalozi wa amani.

                                                        Mwisho

 Mkuu wa Wilaya ya Mkinga, Mboni Mgaza, akikagua gwaride la wahitimu wa mafunzo ya awali ya kijeshi ya vijana wa kujitolea Operesheni Kikwete kikosi cha 8838Kj Maramba ambapo jumla ya wahitimu 617 walimaliza mafunzo yao.

 Wahitimu wa mafunzo ya awali mafunzo ya kijeshi kikosi cha 338Kj Maramba Operesheni Kikwete wakisoma shairi la kumtakia heri na afya njema Rais John Pombe Magufuli na Mkuu wa Majeshi katika kupiga vita Ufisadi mafunzo yaliyofungwa rasmi juzi ambapo jumla ya wahitimu 617 walimaliza mafunzo yao.

 Wahitimu wa mafunzo ya awali ya kijeshi Operesheni Kikwete   kikosi cha 838Kj Maramba wakipita mbele ya Mkuu wa Wilaya ya Mkinga, Mboni Mgaza ambapo jumla ya wahitimu 617 walimaliza mafunzo yao na wanafunzi wanne walifukuzwa kutokana na utovu wa nidhamu.

Wahitimu wa mafunzo ya awali ya kijeshi kikosi cha 838 Kj Maramba operesheni Kikwete, wakila kiapo cha kuhitimu mafunzo yao juzi ambapo jumla ya wahitimu 617 walimaliza mafunzo yao na wanne walifukuzwa kutokana na utovu wa nidhamu.