BUNGENI DODOMA

Pale ambapo Bunge lilisimama, Askari wakalazimika kuingia ndani ya Bunge Dodoma.

January 27 2016 kikao cha Bunge kimeendelea Dodoma, yakaanza maswali na majibu kwa Mawaziri wa Serikali… baadae Waziri Nape Nnauye akatangaza kwamba kumekuwa na gharama kubwa sana TBC1 kurusha Live kikao cha Bunge kwa hiyo Bunge halitoendelea kurushwa, litarekodiwa na kurushwa usiku.

Hoja ya Waziri ikapelekea baadhi ya Wabunge kuamua kutoa hoja zao wakisisitiza kwamba hawakubaliani na suala hilo, Bunge likaahirishwa.

Bunge likaanza tena saa kumi jioni na baadhi ya Wabunge wakaendelea na msimamo wa kutotaka hoja ya TBC1 kutorusha matangazo ya Bunge Live, ikabidi Askari waingie ndani kutuliza hali hiyo.