MAYA WA JIJI LA TANGA AAHIDI MAZURI

Tangakumekuchablog

Tanga, MSTAHIKI Meya wa jiji la Tanga,  Seleman Mustafa, amewataka wananchi jijini humo kuweka mazingira ya usafi maeneo yao ili kujikinga na magonjwa ya miripuko ikiwemo Kipindupindu.

Akifungua mkutano Mkuu wa sita wa Tadene Strategic Organization (TADENE), Mustafa alisema moja ya vipambele vyake ndani ya uongozi wake wa miaka mitano  ni kuhakikisha jiji la Tanga linakuwa kiuchumi na kuliboresha  hadhi ya  jiji .

Alisema bado jiji hilo linakabiliwa na changamoto nyingi ikiwemo usafi wa mazingira na kuboresha barabara za ndani na kuwa katika kiwango cha lami na kudai kuwa yote hayo ni ushirikiano na wananchi.

“Kupitia mkutano huu mkuu wa sita ninyi washiriki na wadau wengine ambao hawakuweza kuhudhuria , naomba ushirikiano wenu ili kujiletea maendeleo pamoja na kudumisha usafi” alisema Mustafa na kuongeza

“Jiji letu linakabiliwa na changamoto nyingi zikiwemo za vijana wetu kuweza kujiajiri wao wenyewe kwa kujengewa uwezo, hili tutalifanikisha tukishirikiana” alisema

Akizungumzia fursa za vikundi vya Ujasiriamali wanawake, Meya huyo amewataka kuimarisha umoja wao na kuahidi kuwajengea uwezo pamoja na kuwatafutia masoko ya kuuzia bidhaa zao.

Alisema vikundi vingi ya Ujasiriamali hufa kutokana na kukosa mikopo na ukosefu wa masoko ya uhakika wa kuuzia bidhaa zao na hivyo kutoa ahadi ya kulivalia njuga suala hilo.

Alisema vikundi vingi hufa kutokana na kukosa masoko ya uhakika pamoja na fursa ya kupata mikopo na kusema kero hiyo ataishughulikia ili kuwawezesha watu kujiunga na vikundi vya umoja lengo likiwa ni kutokomeza umasikini.

“Niwatoe hofu vikundi vya ujasiriamali kuwa tutanzisha utaratibu wa kutoa elimu kikundi kimoja kimoja  pamoja na kutoa mbinu za kuyafikia masoko “ alisema Meya

Alisema malengo yote hayo ni ushirikiano wa wananchi na wadau wa maendeleo wa Tanga hivyo kuwataka kumpatia ushirikiano ili kuweza kuijenga Tanga na kurudisha heshima yake ya kuwa Mkoa wa pili katika uchangiaji wa pato la Taifa.

                                                     Mwisho

 Mkazi wa Mwarongo Tanga, Mwinyusi Mtawa, akichangia mada wakati wa mkutano mkuu wa sita wa  Tadene Strategic Organization  na kuwashirikisha wajumbe mbalimbali kutoka Mikoani na kufanyika Tanga jana.

  Mkazi wa Duga Mafaroni Tanga, Zumo Makame, akichangia mjadala wa kuendeleza Mkoa wa Tanga kiuchumi pamoja na hatua za kuvifufua viwanda vyake wakati wa mkutano wa sita wa Tadene Strategic Organization  na kuwashirikisha wajumbe mbalimbali kutoka mikoani na kufanyika Tanga jana.