MATAPELI WAZIDI KUTESA KILA KONA

Kuna ishu ya  Mikocheni inahusu msichana aliyetapeliwa Pesa

Jumanne ya February 03,  leo inatokea Mikocheni Dar inahusu msichana aliyetumwa na bosi wake kwenye kibanda cha huduma za simu ili akamuwekee hela, akamuwekee hela kwenye simu yake ya mkononi na kukutana na vijana ambao walimrubuni na kumtapeli fedha pamoja na simu.

Bosi huyo amesema kuwa alimpa shilingi laki nne akamuwekee kwenye simu yake lakini baadaye alirudi na kumwambia kuwa ameibiwa, hakuamini kwa kuwa haikuwa mara ya kwanza kumuagiza msichana huyo, akakasirika na kutaka kumpeleka Polisi.

Msichana huyo amesema kuwa alikutana na kijana mmoja ambaye alimuuliza kama anamfahamu mzee mmoja ambaye alimtajia jina, yeye akasema hamfahamu, muda huo huo akatokea kijana mwingine ambaye aliwaaambia kwamba wanaonekana kama wana matatizo, akawaambia waongozane nae ili akawatatulie matatizo yao.

Walifika sehemu kijana wa kwanza akaambiwa aache vitu vyake aende mbele kisha akarushe jiwe, akaenda akarusha na kukuta vitu vyake viko salama, yule msichana naye akaambiwa aache vitu vyake akarushe jiwe, akaenda aliporudi hakuwakuta wote wawili.

Bosi wake alienda kwenye kibanda cha simu alikomuagiza, msichana anayehudumia hapo akaema alimuona  binti huyo akipita akiwa ameongozana  na vijana wawili lakini baadaye alirudi akiwa analia, walipomuuliza aliwaambia kuwa ameibiwa.

Baada ya ushahidi huo bosi wake aliamua kumsamehe msichana huyo.