MKWAKWANI TANGA LEO HAPATOSHI, AFRICAN SPORTS V/S AZAM

Tangakumekuchablog

Tanga, KOCHA msaidizi wa Azam FC, Dennis Kitambi, amesema wachezaji wake wameiva kuikabili African Sports ya Tanga na anatambua kuwa wagozsi hao watakuwa mbogo kutokana na kuwa katika mstari mwekundu wa kushuka daraja.

Akizungumza mara baada ya mazoezi uwanja wa Mkwakwani mapema leo, Kitambi alisema ushindi leo ni lazima ili kujihakikishia kumaliza ligi nafasi ya pili na kusema kuwa mchezo huo anautabiria kuwa mkali.

Alisema timu hiyo imeongozana na wachezaji 22 na watano (hakuwataja) wamebaki Chamazi kwa mazoezi madogomadogo na kusema hakuna majeruhi yoyote na wote wako fiti.

“Mchezo wa leo nautabiria utakuwa mkali kwani wagosi watapambana mwanzo hadi mwisho kuepukana na kuungana na ndugu zao ambao wameshanawa mikono, cha kufurahisha tuko na jeshi la wachezaji ishirini na mbili” alisema Kitambi na kuongeza

“Kuna wachezaji watano wamebakia Chamazi na wanajifua kama ujuavyo ligi inaendelea, hawa waliopo hapa wamedhamiria kunyakua pointi tatu muhimu zitakazotuwezesha na kuwa na uhakika wa kumaliza nafasi ya pili mwisho wa ligi” alisema

Kwa upande wake, Kepteni wa Azam, Himid Maona, alisema wako tayari kwa mchezo wa African Sports na kusema kuwa wataondoka na pointi tatu leo hivyo wapinzani wao wasitarajie ushindi.

Alisema cha msingi ambacho kitawapelekea kuibuka na ushindi ni kuwa timu hiyo iko katka janga la kushuka daraja hivyo watakuwa wamenyong’onyea na kuwa rahisi kuwafunga.

“Ushindi leo ni mweupe kwani natambua mtu akijeruhiwa hupoteza mwelekeo na hiki ndicho ambacho kitaonekana leo na niseme kuwa tutamaliza ligi katika nafasi ya tatu na ushindi ni lazima” alisema Kitambi

Aliwataka washabiki wa timu hiyo kuwashangilia kwa nguvu na kuingia uwanjani kwa wingi kuhakikisha wanatoa  hamasa ya ushindi kwa wachezaji uwanjani.

                                                      Mwisho

Kocha Muingereza wa Azam FC,  Stewart Hall, akiwapa mbinu wachezaji wake mara baada ya kumaliza mazoezi uwanja wa Mkwakwani kujiandaa na mchezo wake na African Sports leo.