UWAWA NA WANANCHI BAADA YA JARIBIO LAKE LA KURIPUA BOMU KUSHINDIKANA

Tangakumekuchablog

Tanga, JESHI  la Polisi Tanga, limesema mtu ambaye hakufahamika ameuwawa na watu wenye hasira kali eneo la Daraja Bovu kata ya Mikanjuni baada ya kutuhumiwa kurusha vitu vilivyodhaniwa kuwa ni  mabomu ya mkono na kurusha ovyo barabarani.

Akizungumza na waandishi wa habari leo, Kamanda wa Polisi Tanga, Leornard Poul, alisema tukio hilo lilitokea jana saa 2 ; 30 usiku na kusema kijana huyo aliekuwa na zaidi ya umri wa miaka 30 alikufa wakati akipelekwa hospitali ya Bombo.

Alisema wakati kijana huyo akirusha mabomu ovyo wananchi walitoa taarifa kwa kituo cha polisi na wakati jeshi hilo lilipofika walimkuta kijana huyo akiwa hoi baada ya kupokea kipigo kutoka kwa wananchi.

“Polisi ilifika eneo ambalo kijana ambaye hakufahamika jina lake akiwa yuko hoi baada ya kupokea kipigo, alikuwa akirusha ovyo mabomu njiani muda ambao wananchi wanarejea majumbani kutoka katika majukumu na swala ya Isha kwa Waislam” alisema Poul na kuongeza

“Yule kijana alikuwa na pikipiki na mwenzake mmoja ambapo yule wa nyuma alikuwa anadondosha moja moja, watu walishtushwa baada ya kuona moshi mzito na gesi kama ambalo limegoma kuripuka” alisema kamanda

Alisema wakati polisi ikimpeleka hospitali kijana huyo ambaye hakufahamika jina lake mara  moja alikufa akiwa njiani baada ya kupokea kipigo kizito kutoka kwa wananchi.

Kamanda Poul alisema kipindi hiki cha kuwasaka majambazi jeshi la polisi limefanikiwa kuwatia mbaroni watu wengi na wengine bado wanaendelea kusakwa na kusema kuwa wote waliojihusisha na ujambazi na mauaji watashikwa.

Jiji la Tanga limekuwa katika hali ya simanzi na woga baada ya kutokea matukio mfululizo ya mauaji kwa kutumia silaha na uporaji katika maduka na vituo vya huduma ya mafuta.

Hali hiyo imekuwa ikiwaweka katika hali ya Sintofahamu wananchi na hivyo kulitaka jeshi hilo kuhakikisha inawakamata na kukomesha matukio hayo na  wananchi kufanya shughuli zao kwa amani.

Wananchi hao wameiambia tangakumekuchablog mapema leo kuwa kipindi hiki cha ufufuaji wa uchumi na viwanda Tanga kunahofu ya wawekezaji kubadilisha malengo yao.

Itakumbukwa hivi karibuni Tanzania ilikuwa katika ushindani mkubwa ya ujengaji wa bomba la mafuta na kugombewa na Kenya na hatimaye Tanzania kushinda mtanange huyo hivyo bomba hilo kujengwa Tanga.

Wananchi wamelitaka jeshi la Polisi na Usalama wa Taifa kuangalia kwa jicho la pili vitendo vinavyotokea Tanga kwani huenda ni hujuma ili sera ya Serikali kufufua viwanda na ujengaji wa bomba la mafuta uwe ndoto

Kwa habari, matukio na michezo ni hapahapa tangakumekuchablog