NJEMBA YAMFANYIA UKATILI BINTI WA MIAKA 8

Msichana afanyiwa ukatili na kuuawa Mbeya

Tukio la mauaji  limetokea Mbeya, inahusu tukio la mwanaume mmoja kumuingila kinguvu msichana wa miaka 8.

Mwanaume huyo alimuita msichana na kumuagiza dukani akamnunulie mafuta, aliporudi alimuingilia kinguvu, akamuua halafu akautupa mwili wake kwenye shimo.

Mama wa mtoto huyo amesema alirudi mwenye mizunguko yake lakini hakumkuta mtoto huyo, akaanza kumtafuta.. alipowauliza wenzake walisema alikuwepo nyumbani baada ya kurudi shule lakini hawajui baada ya hapo alielekea wapi.

Akaamua kutoa taarifa Polisi na kwa Balozi wa nyumba kumi, wakaitisha kikao.. baadae vijana wakaanza kumtafuta na kukuta mwili wake ukiwa kwenye shimo.

Baada ya siku tatu wanakijiji walianza msako na kukuta baadhi ya vitu vya marehemu nyumbani kwa mwanaume mmoja zikiwemo nguo pamoja na damu, kwa hasira wakaanza kumshambulia kwa kipigo na kuchoma moto nyumba hiyo hadi Polisi walipofika na kuwazuia.

Polisi walimchukua mtuhumiwa huyo na kumpeleka kituoni.
Ni halali yako kupata taarifa yoyote inayonifikia na niko tayari kukutumia muda na wakati wowowte kupitia www.tangakumekucha.blogspot.com