SOMA MAKUBWA YALIYOANDIKWA MAGAZETINI LEO, APRIL 04 , TZ

Uchambuzi huu kutoka magazetini unaletwa kwenu kwa hisani kubwa ya kituo cha Elimu Cha Candle Education Centre Tanga. Kituo kinaongoza kufaulisha wanafunzi kidato cha pili hadi cha sita. Pia kinatoa kozi za Kiingereza na Computer. Chuo kimesajiliwa na NECTA. Wapo Tanga mkabala na Bank ya CRDB simu 0715 7727246

HABARI LEO

Waziri wa Mambo ya Nje na Ushirikiano wa Kimataifa, Bernard Membe amesema Ubalozi wa Tanzania uliopo Kenya unafuatilia kama kama kuna wanafunzi  wa Tanzania waliojeruhiwa ama kuuawa katika shambulio la kigaidi lililoua zaidi ya wanafunzi 147 Chuo Kikuu Garissa.

“Kuhusu suala hilo nitatoa taarifa hiyo kesho (leo) baada ya kupata taarifa rasmi wa nchini humo.. nitatoa kwa kuita waandishi wa Habari au kutuma taarifa tu..”—Waziri Bernard Membe.

Waziri huyo amesema kuwa mpaka sasa hajapata taarifa yoyote kuhusiana na hilo japo Ubalozi wa uliopo nchini humo unaendelea na jtihada kujua kama kuna Watanzania wameathirika.

HABARI LEO

Mamlaka ya SUMATRA imesema itatoa majina na picha za madereva wanane waliowafutia leseni kutokana na kusababisha ajali kwa uzembe na hawataruhusiwa kuendesha mabasi ya abiria.

“Madereva hao ni wale waliosababisha ajali za vifo mwezi uliopita na kuanzia sasa kila mwisho wa mwezi tutatoa idadi ya madereva watakaokuwa wamefutiwa leseni kutokana na makosa hayo ili kuweza kudhibiti ajali nchini”—David Mziray, Meneja Mawasiliano wa SUMATRA.

Mziray ametoa pongezi kwa Jeshi la Polisi kudhibiti mwendo wa magari wa kilometa 80 kwa saa katika jitihada za kupunguza ajali ambapo amesema kwa sasa basi za kutoka Mwanza zinalazimika kutembea kwa siku mbili kufika Dar.

MWANANCHI

Kiongozi Mkuu wa Chama cha ACT, Zitto Kabwe ameweka hadharani utajiri wake akisema ana fedha taslimu Mil.18 na nyumba mbili zenye thamani y ash. Mil. 223 zilizopo Mwandiga, Kigoma ambapo alitangaza hivyo kutimiza matakwa ya Katiba ya Chama hicho.

Mbali na hivyo Zitto pia ana gari aina ya ya Freelander yenye thamani ya Mil. 74, huku akisema ametimiza masharti hayo ikiwa ni siku ya tano baada ya kuia saini hati ya makubalian ya Chama hicho.

“Huwa napata kipato cha kutoka ndani na nje ya Tanzania. Nina mkataba wa miezi zita na Shirika la Twaweza kwa malipo ya dola ya Tshs. Mil. 3.7 kwa mwezi”— Zitto Kabwe.

Kutokana na fomu aliyojaza Zitto imeonesha pia ana madeni ya jumla ya Mil. 174.6 ambako alichukua mikopo ambayo ni stahiki kwa Mbunge.

MWANANCHI

Hakimu Mfawidhi wa Mahakama ya Kibondo Kigoma amemhukumu Diwani wa Kata ya Kasanda Wilaya ya Kakonko, Dickson Barutwa na wenzake watatu kufua mashuka ya katika Hospitali ya Wilaya na kusafisha mitaro kwa siku 14 baada ya kukutwa na hatia kwenye makosa matatu.

Mwendesha Mashtaka wa Polisi, Peter Makala alisema mashtaka yaliyokuwa yanawakabili watuhumiwa hao ni kosa la kuingia eneo la Ofisi ya Mtedaji wa Kijiji na baadaye kufunga kufuli mlangoni na kuweka gundi na unga wa ngano kumzuia Mtendaji kufanya kazi.

Watuhumiwa hao waliamriwa kulipa faini Sh. 50,000/= kila mmoja au kufungwa jela miezi mitano kila mmoja, watuhumiwa wote walikubali kulipa faini isipokuwa Kasase ambaye anakabiliwa na kesi nyingine ya mauaji.

Hakimu huyo amesema washtakiwa wana adhabu ya kufanya kazi za kijamii ambapo walikabiidhiwa kwenye Idara ya Maendeleo ya Jamii Wilaya hiyo.

Kaa karibu nami  tangakumekucha.blogspot.com, nitakachokipata nitakusogezea hapa hapa.