WALIMWENGU

Watoto wanafeli mitihani, hii ishu wazazi wameona ashirikishwe mganga wa kienyeji !!

Umewahi kukutana na stori za ishu za wanafunzi kulalamika kwamba shuleni kuna mauzauza?? Kenya imetokea.. watu wakaihusisha na imani za kishirikina moja kwa moja.

Mbunge wa Kaloleni, Gunga Mwinga ilibidi ashangae kidogo wakati ambapo alikaribishwa mgeni rasmi kwenye shughuli ya graduation ya wanafunzi waliomaliza.. basi unaambiwa ombi la wazazi lilikuwa moja tu, wanahitaji Mbunge afanye mpango wa kuwaletea mganga ili kuondoa ushirikina ambao wanahisi upo kwenye shule hiyo.

Makamu Mkuu wa Shule hiyo, Richard Charo amesema wanafunzi hawafaulu kabisa mitihani ya kitaifa, wanaamini hiyo inasababishwa na nguvu ya uchawi… lakini Afisa Elimu Chigulu Mwarumba nae wazo lake halikuwa mbali na hao waliotangulia, yeye akasema wanafunzi wa shule hiyo wamekuwa wakisumbuliwa na nguvu za kishirikina na ofisi yake imepokea malalamiko ya aina hiyo mara nyingi.

 “Mambo yanayoendelea shuleni hapa yanaogofya mno, wasichana wanaanguka hovyo na kuzimia.. wanafunzi wanaanguka mitihani ya kitaifa, tulileta wahubiri wawili lakini hakuna mabadiliko yoyote.. sasa itabidi tulete mtaalamu wa kufukuza mapepo, ninaamini kuna kitu kilizikwa shuleni hapa ili kuzuia wanafunzi wasifanye vyema,”>>> alisema Mwalimu Mkuu.

Malalamiko yao wanasema kwamba shule hiyo ilianza kuwa na matokeo mabaya kwenye mitihani ya kitaifa miaka mitano iliyopita, miaka ya nyuma hali ilikuwa poa kabisa.. wazazi  hao wamesema wanataka mganga ambaye atawasaidia kufukuza pepo wachafu.

Hutopitwa na habari yoyote inayonifikia na niko tayari kukutumia muda na wakati wowote kupitia hapa hapa www.tangakumekucha.blogspot.com