WATOTO 11 WAZALIWA MKESHA WA KRISMASS BOMBO

Kumekucha blog

Tanga, WATOTO 11 wamezaliwa katika hospitali ya rufaa ya Bombo Tanga, wakiwemo mapacha wa kike na kiume waliozaliwa kwa njia ya uperesheni na kuifanya idadi hiyo  kuwa pungufu  na mwaka jana.

Muuguzi wa zamu wodi ya wazazi, Ashirina Mwanyoka, alisema kati ya idadi hiyo wanaume ni 7 na wa kike 4 ambapo mama mmoja,Suzana Petro kujifungua watoto pacha wa kike na wa kiume.

Alisema idadi hiyo ni pungufu ya watoto waliozaliwa mwaka jana jambo ambalo halikuleta shida baada ya wauguzi kujipanga kukabiliana na wazazi wanaojifungua kutokana na wahudumu kujumuika na familia zao kusherehekea Krismass.

“Hakukuwa na shida yoyote kwani mbali ya kuwa tulikuwa tayari kukabiliana na wajawazito ambao wako tayari kujifungua---kama unavyojua kuwa vipindi vya sikukuu tunakuwa na upungufu mdogo” alisema Mwanyoka

“Jambo ambalo tunaweza kusema ni la kufurahisha na kujivunia  mkesha wa krismass ni kuwa tumepata pacha wa kike na wakiume ambao wamezaliwa kwa operesheni wakiwa salama na afya njema” alisema

Akizungumzia wajawazito kuhudhuria vituo vya afya kabla ya kujifungua, Mwanyoka alisema kuna baadhi yao wamekuwa wakifika hospitali wakati wa kujisikia uchungu na hivyo wauguzi kupata wakati mgumu.

Alisema hali hiyo  inawapa shida ya kutojua maendeleo ya ujauzito pamoja na vipimo  hivyo kuwataka kufuata ushauri wa madaktari lengo likiwa ni mzazi kujifungua katika mazingira ya usalama na mtoto wake.

“Kama mjamzito hana utaratibu wa kuhudhuria kliniki kwa kweli sisi wauguzi tunakuwa katika mazingira magumu----mtu anakuja hana damu na hana rikodi za maendeleo ya ujauzito wake” alisema Mwanyoka

Alisema ili mzazi kuepuka matatizo wakati wa kujifungua amewataka wajawazito kuwa na ada ya kufika vituo vya afya mara kwa mara ikiwa ni faida yake na mtoto na kuwa msaada kwa wauguzi.

                                           Mwisho