Jamii yatakiwa kuwapa malezi bora watoto wao

Kumekucha blog

Tanga, JAMII imetakiwa kuwapa malezi mazuri  watoto wao  pamoja na kuwabidiisha katika elimu ili kuwa msaada katika  maisha yao ya  baadae na kusisitiza kuwa kutofanya hivyo ni vigumu maendeleo kupatikana.

Akizungumza wakati wa kutoa zawadi kwa watoto sherehe ya Krismass leo, Mchungaji Manasse Maganga wa  kanisa la Glory Land Church sabasaba, alisema  jamii iko na jukumu la kuwalea watoto katika malezi ya kiucha Mungu.

Alisema kuna wimbi la watoto wa mitaani wanaozagaa na kudai kuwa wote  ni kukosa elimu na malezi ya wazazi wao na hivyo kujingiza  katika magenge ya ombaomba na watumiaji wa madawa ya kulevya.

Alisema ili kuifanya jamii kuishi katika maisha bora na furaha ni wajibu wa kila mzazi na mlezi kuwangalia watoto na kuwafundisha maisha ya kiroho jambo litakaloweza kusaidia kuwa na familia za watoto wenye tabia nzuri.

“Leo ni siku ya furaha na tupo hapa kwa lengo moja tu la kuzaliwa kwa Yesu Kristo---furaha hii iwe ni kichocheo cha kusonga mbele katika mambo ya elimu  na afya” alisema Maganga na kuongeza

“Zawadi hizi tunazowapatia vijana wetu ni kutokana na wao kuonyesha ukaribu na maisha ya roho mtakatifu----naomba iwe chachu ya hatua mbili mbele katika maendeleo na huduma za kijamii” alisema

Akizungumzia kuhusu  hali ya amani na utulivu uliopo, mchungaji Manasse amewataka viongozi wa madhehebu ya dini kuwahubiria waumini wao juu usalama uliopo.

Alisema usalama na amani uliopo sio wa kuchezewa jambo ambalo ukitoweka kuurejesha tena vigumu na hivyo kuwataka kila mmoja kusisitiza watu kuisha kwa pamoja na mshikamano.

Wakati wa sherehe hiyo, mchungaji huyo wa kanisa la Glory Land Church alitoa zawadi mbalimbali kwa watoto na makundi ya watu ikiwa ni furaha ya Sikukuu kwa kila mmoja kufurahi na kusameheana.

                                                  Mwisho