MSICHANA ALIEMTUPA MTOTO CHOONI KUMBE ANA LAKE

Hekaheka ya leo December 24 iko hapa, ni muendelezo wa ile ya msichana aliyemtupa mtoto chooni.

Hekaheka ya leo December 24,  ni muendelezo wa ile ya Desembar 16, iliyokuwa inatoka Dar es Salaam ambapo msichana mmoja alijifungua mtoto chumbani kwake ndani ya nyumba aliyopanga na kwenda kumtupa mtoto ndani ya shimo la choo huku akieleza kuwa sababu iliyomfanya aamue kufanya hivyo ni kitendo cha mwanaume aliyempa ujauzito huo kumtelekeza.
Baada ya majirani kufanikiwa kumtoa mtoto huyo akiwa mzima na kumpeleka Hospitali ya Mwananyamala, kwenye mwendelezo wa Hekaheka ya leo Taarifa zinasema kuwa kwa sasa mtoto huyo  amehamishiwa katika Hospitali ya Taifa ya Muhimbili kwa ajili ya matibabu zaidi, Mjumbe wa eneo analokaa binti  huyo, ambae amekuwa akimsaidia binti huyo  amesema hali ya Mama na Mtoto wanaendelea vizuri ingawa mtoto bado hajaongezeka uzito, na kuelezea masikitiko yake kuhusu mama wa mtoto kukataa kuwa wazi kuhusu ndugu zake walipo kitendo ambacho kinawafanya washindwe kumsaidia na walipomtaka kumrudisha kwao Tanga Makorora binti huyo aliktaa.