PICHAZ AJALI YA HIACE MBEYA

Imeripotiwa ajali nyingine ya Hiace Mbeya, Kamanda wa Polisi kathibitisha vifo vya watu

Bado hatujaisahau ajali ya basi la Majinjah Express iliyotokea eneo la Changarawe Iringa, watu 50 walifariki.. zikafuatia nyingine ikiwemoya basi jingine la Nganga Express ambayo nayo watu 15 walifariki, isikitisha wengi pia, wote waliofariki ilibidi wazikwe  kwenye kaburi moja kutokana na miili ya marehemu kuharibika kutokana na moto ambao uliunguza basi hilo.

Haitoshi juzi tu tulishuhudia pia ajali ya mabasi mawili Ngorika na Ratco ambapo Ngorika ilikuwa ikitokea Dar es Saalm kuelekea Arusha na Ratco ilikuwa ikielekea Dar ikitokea Tanga  ambapo iliripotiwa watu 13 walifariki akiwemo dereva wa Ngorika.

Imeripotiwa toka Tukuyu Mbeya leo, Hiace ambayo ilikuwa imebeba abiria imepata ajali kwa kutumbukia mtoni, Kamanda wa Polisi Mbeya, RPC Ahmed Msangi amethibitisha kwamba watu 19 wamefariki kutokana na ajali hiyo.