KINGINE KUHUSU ASKOFU GWAJIMA

Kingine cha Askofu Gwajima.. Baada ya Polisi kuzunguka nyumba ishu imehamia Mahakamani..

Asubuhi ya leo imeripotiwa stori ya Askari Polisi wakiwa na silaha kuizunguka nyumba yake, Mbezi Salasala DAR.. waumini wake pamoja na watu wengine walikuwa pembeni pia, kuangalia kinachoendelea.

Muda mfupi baadae imeripotiwa kwamba Askofu huyo alienda Kituo cha Polisi Centre lakini haikuchukua muda mrefu akatolewa na kupelekwa Mahakama ya Hakimu Mkazi Kisutu DAR.. kilichokuwa kinaendelea hapo hakuna aliyejua.

Kuna taarifa kwamba Askofu huyo alitakiwa kuripoti Kituo Cha Polisi jana lakini hakwenda, mashuhuda wanahisi hiyo ndio sababu iliyofanya Askari kuizunguka nyumba yake hiy

Mvutano uliopo ni kuhusu kuwasilisha nyaraka za vitu anavyomiliki, lakini amegoma kwenda kuhojiwa mpaka wapate barua kutoka Makao Makuu ya Jeshi la Polisi ili kuwasilisha nyaraka hizo.

Ishu ya leo asubuhi ilihusu Jeshi la polisi kuzingira nyumba yake kwa nia ya kumtaka kujisalimisha lakini mwenyewe alijifungia ndani na kukaidi agizo hilo, lakini habari zilizotufikia zinaeleza mchungaji huyo tayari amefikishwa mahakama ya Kisutu akiwa chini ya ulinzi mkali wa Polisi.

Mpaka sasa haijafahamika bado baada ya kukamatwa kwake nini kinaendelea na tutaendelea kuwajuza zaidi kuhusu hatma ya kiongozi huyo wa kanisa.

Hutopitwa na habari na niko tayari kukutumia muda na wakati wowote ni hapa hapa www.tangakumekucha.blogspot.com