Kumekucha blog
Tanga,WATU wasiojulikana wamevamia nyumba
ya dereva wa bodaboda, Omari Shaban(32) na kumuua kisha kuchoma nyumba yake
akiwa amelala kwa kile kilichodaiwa ni visa na wivu wa kimapenzi.
Akizungumza na waandishi wa habari ofisini kwake leo,
kamanda wa polisi Mkoa wa Tanga, Frasser Kashai, alisema tukio hilo lilitokea
juzi saa 8 usiku kijiji cha Kireguru kata ya Kwediboma Wilayani Kilindi baada
ya watu wasiojulikana kuvamia nyumba na dereva huyo na kumuuwa.
Alisema uchunguzi wa kipolisi umebaini kuwa dereva
huyo alikuwa na ugomvi wa muda mrefu na jamaa ambaye kamanda hakumtaja jina
lake kwa madai ya kuchukua bibi wa watu.
“Uchunguzi wetu wa kipolisi umebaini kuwa chanzo cha
tukio lile ni mambo ya kimapenzi----alikuwa na mahusiano na bibi wa watu na
aliwahi kukanywa kuacha tabia hiyo lakini alikuwa mkaidi” alisema Kashai na
kuongeza
“Ila nisema kuwa kitendo ambacho kimefanyika ni cha
kikatili na hakikubaliki hivyo tuko katika uchunguzi nani wamefanya jambo
hili----mara baada ya kukamilika tutawasaka na kuwafikisha katika vyombo vya
sheria” alisema Kashai
Katika tukio jengine , kamanda Kashai alisema polisi
Wilayani Handeni inawashikilia watu wanne kwa tuhuma za kumuua kwa kumnyonga
hadi kufa mwanafunzi wa darsala la sita
shule ya Kivesa, Isaka Beda na mwili wake kuutundika juu ya mti.
Aliwataja watu hao kuwa ni,Khalid Ponera(36), Msuya
Fransiss(20), Athuman Nassour(20) na Issa Hassan (32) wote wakazi Handeni na
kusema kuwa wote wako mahabusu na kusubiri uchunguzi ukamilike na kufikishwa
mahakamani.
Alisema tukio hilo lilitokea juzi saa 10 jioni eneo la Chanika baada ya watu waliokuwa
wakienda shambani kugundua mwili wa marehemu ukining’inia juu ya mti.
Akitoa wito kwa jamii kamanda huyo aliwataka watu
kuacha kujichukulia sheria mikononi na kuacha kufanya vitendo viovu vya visasi
na kusema kuwa polisi itawachukulia hatua kali za kisheria watu watakaofanya
matukio kama hayo.
Mwisho
No comments:
Post a Comment