MASIKINI DE GEA MIPANGO YAKE YA KUTIMKIA REAL MADRID IMEKWAMA

Isome hii mipango ya Real Madrid kuhusu kumsajili golikipa David de Gea

Golikipa wa Manchester United David de Gea inadaiwa ameahidiwa pound milioni 3.5 na klabu ya Real Madrid kama akikubali kujiunga nao katika msimu ujao wa usajili wa majira ya joto.

Madrid wamefikia uamuzi huo baada ya kuona Man United wana msimamo wa kutotaka kuwauzia golikipa huyo, na inadaiwa Man United wanachelewesha uhamisho wa golikipa huyo kama ishara ya kuishawishi Real Madrid iwauzie beki wao Sergio Ramos ambaye kwa siku za hivi karibuni ameripotiwa kutokuwa na furaha katika klabu hiyo.

David de Gea amebakiza mwaka mmoja katika mkataba wake na klabu ya Man United na atakuwa mchezaji huru kuanzia msimu ujao, hivyo Real Madrid imemuahidi kumpa kiasi cha pound milioni 3.5 kama akikubali kusubiri kujiunga nao hadi mwishoni mwa msimu ujao kama mchezaji huru.

Man United wamependekeza uhamisho wa De Gea uhusishwe katika uhamisho wa Sergio Ramos kujiunga na Man United.

Hata hivyo uwezekano wa De Gea kujiunga na Real Madrid kwa msimu huu umekuwa mgumu baada ya Man United kumjumuisha katika kikosi kilichosafiri wiki hii kwenda Marekani kwa maandalizi ya msimu ujao.

Kwa habari, matukio na michezo ni hapa hapa tangakumekuchablog