MBUNGE NUNDU AWAASA WATENDAJI WA KIJIJI NA VITONGOJI

Tangakumekuchablog

Tanga,MBUNGE wa jimbo la Tanga mjini, Omar Nundu,(CCM)  amewataka viongozi wa kata ya Pongwe na watendaji wa kijiji cha Kisimatui,kuitumia mifuko ya saruji iliyopewa na kiwanda cha saruji cha Simba Cement kuitumia kwa malengo iliyokusudiwa.

Akizungumza mara baada ya kukagua ujenzi wa kituo cha Afya kinachojengwa kwa nguvu za wananchi jana, Nundu aliwataka viongozi na wananchi kuitumia saruji hiyo kwa malengo iliyowekwa na kumaliza kero ya kufuata matibabu masafa marefu.

Alisema ujio wa msaada wa mifuko 300 ya saruji ni ishara njema ya wakazi wa kijiji cha Kisimatui na vijiji vya jirani kumaliza kero ya matibabu na hivyo kuwataka  saruji hiyo itumike kama iliyokusudiwa.

“Nawaomba saruji hii itumike kwa matumizi yaliyokusudiwa na ninyi viongozi wa kata na kijiji kuhakikisha kasi muliyoianza iwe endelevu----najua kutakuwa na changamoto nyingi ila ndio kuelekea kuliko na mafanikio” alisema Nundu

Kwa upande wake  Diwani kata ya Pongwe Uzia, aliwataka wananchi wa kijiji hicho cha Kisimatui, kuwa na moyo mmoja na kufanya harambee ya michango pamoja na vijana kujitolea upigaji wa matofali na uchotaji wa maji.

Alisema kufanya hivyo kutawezesha jengo hilo kumaliza mapema na kulikabidhi kwa halmashauri ya jiji kuanza kwa huduma jambo ambalo litakuwa msaada kwa wajawazito wazee na watoto.

“Kwa pamoja jamani wake kwa waume tuwe na moyo mmoja wa kulimaliza jengo letu anawezesha kuleta nondo na maji----kila mwenye nguvu zake azitoe kwa nia moja” alisema Uzia

Alisema kukamilika kwa jengo hilo kutawawezesha wakazi wa kijiji cha Kisimatui na vya jirani kumaliza kero ya kufuata matibabu na hivyo kuitumia fursa zzilizoko mble yao kwa kutoa ili lengo liweze kukamilka.

                                                    Mwisho

 Mbunge wa jimbo la Tanga mjini, Omar Nundu akiangalia msingi wa jingo la kituo cha Zahanati kijiji cha Kisimatui kata ya Pongwe .

 Mbunge wa jimbo la Tanga, Omar Nundu (CCM) (katikati) akikabidhiwa mifuko ya saruji iliyotolewa na kiwanda cha saruji cha Simba Cement jana kijiji cha Kisimatui kata ya Pongwe  na Diwani wa kata hiyo Uzia Juma (kushoto) kulia ni Afisa mtendaji kata, Salim Mdoe.