MTOTO MCHANGA AFANYIWA UKATILI

Mama alimkataza dada wa kazi kumzika mama yake…hasira ikahamishiwa kwa huyu mtoto!!

Matukio ya baadhi ya wasichana wa kazi kuwatesa watoto wa waajiri wao yamekua yakitokea mara kwa mara na mengi yanahusishwa na waajiriwa hao kuwanyanyasa wasichana hao ambao wengi hulipiza kisasi kwa watoto wakati wenyewe wakiwa wamekwenda kwenye majukumu yao ya kila siku.

Taarifa zimekuwa zikitolewa kila wakati  kuhusu matukio kama hayo, na leo headlines zimehamia Dubai ambao msichana wa kazi aliamua kumnyonga mtoto wa bosi wake mwenye umri wa miezi 11 kwa kutumia mtandio kwa madai amenyimwa ruhusa ya kwenda kumzika mama yake mzazi.

Msichana huyo alifanya kitendo hicho baada ya bosi wake kuondoka kwenda kazini na baada ya kumaliza kumnyonga alimpigia bosi wake simu na kumtaarifu kuwa mwanaye anapumua kwa shida na baada ya muda mama huyo alirejea na kumkimbiza mtoto wake hospitali lakini alifariki masaa mawili baadaye.

Msichana huyo ambaye anakabiliwa na kesi ya mauaji aliwaambia waendesha mashtaka kuwa ni kweli amefanya tukio hilo baada ya kutopewa ruhusa ya kwenda kumzika mama yake.