P[OLISI TANGA YANASA SHEHENA YA MIRUNGI KILO 802

Tangakumekuchablog

Tanga, POLISI Mkoani Tanga imekamata shehena ya madawa ya kulevya aina ya mirungi inayodaiwa kufika tani mbili  iliyofichwa katika uvungu wa basi la abiria la Smart Bus kijiji cha Mtibwani Wilayani Mkinga ikisafirishwa kuelekea Dar es Salaam.

Tukio hilo   kubwa kufichuliwa limezusha taharuki kwa wananchi na kudaiwa kuwa wasafirishaji wa madawa ya kulevya wamekuwa wakitumia mbinu mbalimbali na kuwapiga chenga polisi.

Jiji la Tanga limekuwa katika taharuki kufuatia matukio ya ujambazi kuvamia maduka makubwa na vituo vya mafuta kisha kupora pesa pamoja na kuuwa raia jambo ambalo jeshi hilo limekuwa likipeleka nguvu zake nyingi katika ulinzi na usalama.

Katika kuhakikisha linatokomeza matukio ya Ujambazi na upitishaji wa madawa ya kulevya Polisi imekuwa ikifanya upekuzi katika majengo zikiwemo hoteli na msako katika mapango ya Amboni.

Katika misako hiyo Polisi kwa kushirikiana na vyombo vya usalama  imefanikiwa kukamata vifaa mbalimbali vilivyokuwa vitumiwa na majambazi zikiwemo magobore, mapanga , nguo za kiejshi na risasi 30..

Akizungumza na vyombo vya habari mapema jana, Kamanda wa Polisi Tanga, Leornard Poul ametangaza kiama kwa wasafirishaji wa mihadarati ya madawa ya kulevya na kusema kuwa yoyote ambaye atagundulika kusafirisha au kuuza atapelekwa mahakamani moja kwa moja.

Alisema polisi wakati ikilifanyia upekuzi gari hilo iligundua shimo kubwa lililozibwa kwa bati ambalo ni vigumu  kugundua na kukuta shehena kubwa ya miringi iliyowekwa katika viroba vya plastiki.

“Tulipokea taarifa kutoka kwa raia wema kusafirishwa kwa mirungi ikiwa imefichwa katika muti maalumu ambalo ni vigumu kuelewa na kudhani ni chesesi ya gari” alisema Paul na kuongeza

“Wakati wa upekuzi polisi ilitilia mashaka moja kati ya uvungu wa basin a kukuta moja ya mabati yakiwa yamefungwa kwa tibiti ambazo hufungwa na kufunguliwa bila kugundua” alisema

Alisema kwa sasa polisi kwa kushirikiana na polisi jamii imekuwa ikifanya upekuzi kila gari pamoja na kufanya doria katika njia za panya ambazo imegundulika mirungi huwekwa katika magunia ya mkaa na kusafirishwa kwa pikipiki na baskeli.

Kamanda Poul alisema kwa sasa polisi inawashikilia mmiliki wa Basi la Smart , Nuru Mzee (44) na dereva wake, Salim Ali (28) kwa uchunguzi na mara baada ya kukamilika watafikishwa mahakamani.

Akizungumza wakati wa ukaguzi wa basi hilo, dereva wa Basi hilo, Salim Ali, alisema anashangaa kuona anajumuishwa katika tuhuma ambazo amedai kuwa hajui lolote zaidi ya kuendesha gari na kuangalia usalama wa abiria.

Alisema hahusiki na usafirishaji wa mirungi hiyo na kusema sio kazi yake ya kukagua mizigo na kuhoji hivyo kutaka uchunguzi ufanywe kwa kina kwa madai wajibu wake ni kuendesha gari tu.

“Mimi kazi yangu ni kuendesha gari kuhakikisha abiria wangu nawasafirisha salama na kuwafikisha mwisho wa safari yao, suala la mizigo sihusiki na sijui lolote mie” alisema Ali

Alisema ameshtusha kuona kuna shehena hiyo ya mirungi kwenye gari ambayo amepewa siku 15 zilizopita na hivyo kusema hajui lolote ila kwa vile jambo liko polisi anaiwachia ifanye kazi yake.

                                              Mwisho

 Kamanda wa polisi Tanga, Leornard Poul, akiwaonyesha waandishi wa habari moja ya kilo ya mirungi kati ya kilo 802 iliyokamatwa katika kizuizi cha polisi Mtimbwani barabara ya Tanga, Horohoro iliyokuwa imefichwa katika uvungu wa basi la kampuni ya Smart

  Kamanda wa polisi Mkoani Tanga, Leornard Poul, akiwaonyesha waandishi wa habari mbinu iliyokuwa ikitumiwa na wasafirishaji wa mirungi katika basi la kampuni ya Smart katika kizuizi cha polisi cha Mtimbwani Barbara ya Tanga, Horohoro juzi. Shehena ya hiyo mirungi ilikuwa imefichwa katika moja ya uvungu wa gari na kuzibwa bila kugundua kwa urahisi.

Basi la Kampuni ya Smart Bus likiwa nje ya Ofisi ya Kamanda wa Polisi Tanga na kuonyeshwa na waandishi wa habari kama wanavyoonekana wakiwa wakifanya mazungumzo na dereva wa basi hilo Salim Ally.