MAN WAITAKA SAINI YA STAA WA TARINO

Wakati Rafael akiruhusiwa kuondoka, Man UTD wameambiwa waongeze dau kwa mrithi wake!

Klabu ya Manchester United imempa ruhusa beki Rafael Da Silva kuhama kwenye klabu hiyo baada ya kuitumikia kwa muda usiopungua miaka 6, na klabu hiyo sasa imeanza rasmi mchakato wa kumpata mrithi wake.  
Manchester United wameambiwa itawalazimu kulipa kiasi cha £13million na bonasi ya £1.4m ikiwa wanataka kupata saini ya beki wa kulia wa timu ya Torino, Matteo Darmian. ‘The Red Devils’ walituma ujumbe kwa Torino kuulizia namna ya kumsajili beki huyo ambaye anaichezea timu ya taifa ya Italia.
Rafael, amekuwa akiwindwa na vilabu vya Fiorentina, Galatasaray na Napoli – wakiungana na vilabu vingine viwili katika premier league ambao nao wanamtaka mbrazil huyo.
  Darmian, ambaye ameshaichezea mara 13 timu yake ya taifa, ni miongoni mwa mabeki wa kulia ambao ni chaguo la kwanza la Louis Van Gaal.
Gregory Van der Wiel wa PSG, Seamus Coleman wa Everton na Fabinho wa Monaco – wao nao wamemvutia Van Gaal katika kutafuta mrithi wa Rafael.
Gazeti la kiitalianola Tuttosport limeripoti kwamba  Manchester United wametuma ofa ya kwanza kwa ajili ya kumsaini Darmian, hata hivyo gazeti la Dailymail limeripoti kwamba vilabu vya United na Torino ndio vimeanza mazungumzo.