MJUMBE BARAZA KUU LA TAIFA (UVCCM) AJITOSA UBUNGE

Tangakumekuchablog

Lushoto, MJUMBE wa Baraza kuu la Taifa la Uongozi (UVCCM) Mkoa wa Tanga, Husna Sekiboko, amesema atajitosa kugombea nafasi ya Ubunge viti maalumu na kutoa ahadi kwa vijana kumaliza kero zao zikiwemo fursa za mikopo na ajira.

Akizungumza mara baada ya kuchukua fomu ya kugombea jana, Sekiboko alisema baada ya kufuatwa na watu wengi wakiwemo vijana na wazee kugombea nafasi ya Ubunge viti maalumu ameamua kujitosa kwa madai kuwa uwezo wa kuwatumikia yuko nao.

Alisema endapo atateuliwa kuwa mbunge atahakikisha fursa za kupata mikopo na ajira  kwa vijana zinapatikana ikiwemo pia  kuwajengea mbinu za uwezo za biashara na kazi za mikono.

“Nimeshawishika kujitosa kugombea nafasi ya ubunge baada ya kuombwa na matu wa marika tofauti---faraja zaidi imekuja baada ya vijana wenzangu kunishinikiza na leo nimeamua kuchukua fomu” alisema na kuongeza

“Niwahakikishie vijana wenzangu kuwa sitowaangusha nikiwa bungeni kwani matatizo yenu nayaelewa juu chini-----niombeeni nifanikiwe kuwa mbunge wenu” alisema Sekiboko

Akizungumzia wanawake na vijana kujitokeza kwa wingi katika nafasi za kugombea , Sekibko alisema wakati umefika kwa makundi hayo kuacha kunung’unika kunyimwa haki zao na badala yake wajilaumu wao wenyewe.

Alisema kuna wanawake wako na uwezo wa kuongoza ila amedai kuwa wanashindwa kuchukua maamuzi  na hivyo kuwataka uchaguzi mkuu mwaka huu kuonyesha mfano.

“Ni wakati wa makundi ya vijana kujitokeza kugombea nafasi za uongozi na kuacha kasumba  huku tukilalamika pembeni kunyimwa fursa-----ni sisi wenyewe ndio tunajiweka nyuma nyuma” alisema Sekiboko

Aliwataka vijana wake kwa waume kujitokeza kwa wingi kuchukua fomu na kusema kuwa kuna vijana wenye uwezo wa kuongoza lakini wamekuwa wakijiweka nyuma nyuma na wengine hawajiamini.

                                           Mwisho