MTOTO WA MIAKA 5 HAAMINI KUONANA USO KWA USO NA RONALDO

Camera hazikumuacha huyu dogo baada ya Ronaldo kusaini Tshirt yake…

Mashabiki wengi wa soka duniani kila mmoja anatamani siku moja kuonana na mwanasoka bora wa dunia Cristiano Ronaldo.. na kila mmoja anajua ni nini anaweza kumwambia mara tu anapopata bahati ya kuonana naye.

Wakati kikosi cha Real Madrid kikitua Australia kwa ajili ya maandalizi ya msimu mpya wa ligi kuu, Ronaldo alipata bahati ya kukutana na mashabiki wake…lakini mmoja wa mashabiki wake ambaye ni mtoto alikua kivutio zaidi.

Mtoto huyo anayekadiriwa kuwa na umri wa miaka isiyozidi mitano hakuamini macho yake na kuanza kulia baada ya Ronaldo kuchukua tshirt yake katikati ya kundi la watu waliokuwa wakigombani saini ya staa huyo.

Mtoto huyo alijikuta akilia katikati ya watu kwa furaha baada ya mchezaji huyo kumaliza kuweka saini kwenye tshirt yake.