WATUMISHI WAPYA WA UMA WAPEWA SOMO

Tangakumekuchablog

Tanga,WATUMISHI wapya wa  Umma Tanga wametakiwa kuzingatia maadili kazini pamoja na kuepuka vishawishi vya upokeaji  rushwa  lengo likiwa ni kutoa huduma bora kwa wananchi.

Akizungumza juzi  wakati wa kufunga mafunzo kwa watumishi wapya kutoka vyuo mbalimbali Tanga , Mtendaji mkuu wa Tanroads, Patric Mfugale, aliwataka wahitimu hao kuepuka kupokea rushwa na badala yake kufanya kazi kwa weledi.

Aliwataka kuzingatia maadili pamoja na kutoa ushirikiano kwa wananchi ikiwa na pamoja na kufika sehemu za kazi kwa wakati na kukemea tabia ya baadhi ya watumishi kuchelewa sehemu zao za kazi.

“Leo niko nafuraha kuwa mgeni rasmi hasa nikiwa mimi ndie nitakaekuwa mkuu wennu----niwambie kuwa sitomvumilia mtumishi yoyote ambaye ni mtoro au mchelewaji sehemu ya kazi” alisema Mfugale na kuongeza

“Kazi yangu kubwa ni kumuwajibisha mtumishi atakaekuwa na makosa hasa ya kujihusisha na vitendo vya rusha----nitakuwa mfuatiliaji mzuri kuanzia nidhani hadi mahudhurio” alisema

Mfugale aliwataka watumishi hao kuwa mfano kwa watumishi wengine ikiwa na pamoja na kufanya kazi kwa bidii jambo ambalo litaondosha manung’uniko kwa wananchi kupata huduma chini ya kiwango.

Awali akizungumza katika hafla hiyo, Meneja wa mafunzo ambaye pia alikuwa kaimu mkurugenzi wa Tanroads tawi la Tanga, Chales Mbuli, kuvaa mavazi yaendayo na utamaduni wa Kitanzania.

Alisema kuna baadhi ya watumishi wake kwa waume wamekuwa wakienda maofisni na kuvaa nguo ambazo hazina heshima na hivyo kushusha hadhi ya mtumishi mbele ya jamii.

“Ili kuwa watumishi wa kuigwa nawaomba jambo la kwanza muvae mavazi ya heshima-----kuna baadhi ya watu wanavaa nguo kama wanaenda disko au taarabu” alisema Mbuli

Ili kuweza kuleta ubunifu na kuwasogezea maendeleo wananchi, Mbuli aliwataka watumishi hao kuwa wabinifu katika kazi zao na kuacha kusema changamoto zinazowakabili .

                                    Mwisho

 Watumishi wa umma kutoka vyuo mbalimbali Tanga wakimsikiliza ,Mtendaji mkuu Taifa wa Tanroads, Patric Mfungale, wakati wa tafrija ya kuhitimu mafunzo yaliyofanyika ukumbi wa Veta Tanga juzi