POLISI TANGA YAUWA MAJAMBAZI NA KUKAMATA VIFAA VYA KIJESHI

Tangakumekuchablog

Tanga, JESHI la Polisi Mkoani Tanga, limekamata vifaa mbalimbali vya Ujambazi vinavyoaminika kuwa vilikuwa vikitumika katika matukio ya Ujambazi yaliyotikisa jiji hilo na kuuwa wateja wanne waliokuwa wakinunua bidhaa katika Duka la Supamarket.

Akizungumza na waandishi wa habari, leo kamanda wa Polisi Leornard Poul, alisema vifaa hivyo vimekamatwa wakati wa msako katika mapango ya Amboni kijiji cha Mleni ambako majambazi hayo yalikuwa yamejificha.

Alisema majambazi hayo yaliyoaminika kujificha katika mapango ya Mleni yalikuwa yakitumia silaha mbalimbali za jadi pamoja na Bunduki pamoja risasi na miripuko.

Kamanda alisema wakati wa kuwasaka majambazi hayo kulikuwa na kutupiana risasi ambapo majambazi manne walifanikiwa kuwapiga risasi na kufa papo hapo ambapo askari wa wawili kujeruhiwa.

Akiwataja majambazi yaliopigwa risasi na kufariki ni, Nassib Amir, Abuu Mussa, Abuu Katakoda pamoja na Idriss Abdallah ambaye ametajwa kuwa ni Raia wa kigeni.

Kamanda Poul amewataja  askari ambao walijeruhiwa kuwa ni ASP, Chale na Inspector Gwanta Mwakisole.

Alisema majeruhui hao wanaendelea kupata matibabu katika hospitali na hali zao zikiendelea viruhi na kusema kuwa msako wa kuwasaka majambazi wengine unaendelea hivyo kuwataka wananchi kutoa ushirikiano na jeshi hilo.

Alisema Polisi kwa kushirikiana na vikosi vya Usalama na Jeshi la Kujenga Taifa linaendelea kuwasaka majambazi hao na kuahidi kuwatokomeza.

                                          Mwisho

 Pikipiki ambazo zilikuwa zikitumika katika matukio ya Ujambazi zikiwa nje ya Jengo la Ofisi ya Kamanda wa Polisi Tanga ambapo vitu mbalimbali vilikamatwa zikiwemo vocha za simu na simu pamoja na vifaa vya Elektonic .