AMNYONGA TAJIRI WAKE KISA MASLAHI

Tangakumekuchablog

Muheza, MKULIMA kijiji cha Bwembwera kata ya Amani Wilayani Muheza Mkoani Tanga, Yohana Msumari (72) ameuwawa kwa kunyongwa hadi kufa na mfanyakazi wake kwa kile kilichodaiwa kupunjwa maslahi.

Akithibitisha kutokea kwa tukio hilo, kamanda wa polisi Mkoani Tanga, Zubary Mombeji, alisema tukio hilo lilitokea juzi saa 11 jioni, baada mtu aliedaiwa kuwa mfanyakazi wake kwenye shamba la mahindi, Omary Choroghondo (36) kumyonga hadi kufa .

Alisema uchunguzi wa awali wa kipolisi umebaini kuwa  kwa kipindi kirefu wawili hao wamekuwa katika ugomvi jambo ambalo mfanyakazi huyo kuchukua maamuzi ya kumyonga tajiri wake hadi kufa eneo la shambani.

“Polisi inaendelea kumtafuta mtuhumiwa kwa udi na uvumba ili kumfikisha mahakamani kujibu tuhuma ambazo zinamkabili----kitendo hiki cha maamuzi maovu hakiwezi kuvumiliwa” alisema Mombeji na kuongeza

“Tunaendelea kufanya uchunguzi na kuwahoji majirani na ndugu wa mtuhumiwa---jambo hili hatutaki kujitokeza tena na tunataka kulikomesha” alisema

Katika tukio jengine kamanda Mombeji, alisema mkazi wa Makorora Tanga, Helbert Mbwana, alifariki baada ya kugongwa na gari wakati akiendesha baskeli eneo la Duga njia ielekeayo Pangani.

Alisema tukio hilo lilitokea juzi saa 2 usiku wakati marehemu huyo akiendesha baskeli ambayo ilikuwa haina taa ya kuonea na wakati akikata kona ilitokea gari na kumgonga na kufariki wakati akikimbizwa hospitali.

“Marehemu wakati anakimbizwa hospitali alifariki baada ya kuvuja damu nyingi kichwani---tatizo baskeli yake ilikuwa haina taa na dereva wa gari kushndwa kumuona.

Kamanda alitoa wito kwa watumiaji wa vyombo vya moto na watumiaji wa baskeli kuzingatia sheria za barabarani ikiwa na pamoja na kuwa na taa ya kuonea nyakati za usiku ili kuepusha ajali zinazoweza kuepukika.

                                               Mwisho