Tangakumekuchablog
Tanga,MGOMBEA
Ubunge jimbo la Tanga mjini kupitia Chama Cha Wananchi (CUF), Mussa Mbarouk,
amesema endapo atachaguliwa kuwa Mbunge atahakikisha shule zote inarejesha
utaratibu wa uji kwa wananfunzi shuleni.
Akizungumza katika mkutano wa
hadhara jioni hii viwanja vya Tropicana wakati kampeni za mbio za Ubunge, Mussa
alisema kuondoshwa kwa uji mashuleni imekuwa chanzo cha wanafunzi kufanya
vibaya katika mitihani yao ya Taifa na mwisho wa mwaka.
Alisema utaratibu wa utoaji uji
ulikuwa msaada kwa wanafunzi hata wale ambao wazazi wao wako katika mazingira
magumu na hivyo kuahidi kuurejesha kwa kushirikiana na Madiwani kupitia
Mabaraza ya Madiwani.
“Zamani wakati utaratibu wa uji
shuleni wanafunzi walikuwa hawalalamiki njaa darasani----fahamu zao zilikuwa
mzuri lakini angalia sasa matokeo ya
mitihani ya darasani na mwisho wa mwaka ni balaa” alisema Mussa na kuongeza
“Mukinichagua mimi kuwa bunge wetu nitahakikisha shule zote za jimbo langu
utaratibu wa uji mashuleni unarejeshwa----nitashirikiana na madiwani kupitia
mabaraza ya halmashauri kwa pamoja kulifanikisha jambo hilo” alisema
Awali akizungumza katika mkutano huo,
Diwani wa Mwanzange (CUF), Rashid Jumbe, aliwataka wanachama wa chama hicho
kujitokeza kwa wingi siku ya upigaji kura na kutunza vitambulisho vyao vya
kupiga kura.
Aliwataka kuvitunza vitambulisho vyao na kuepuka kushawishiwa au
kununuliwa kwani kufanya hivyo kutawakosesha haki yao ya msingi ya kuchagua
viongozi wanaowataka.
‘Ndugu zangu tunaelekea katika
uchaguzi mkuu ambao mwaka huu dalili zinaonyesha tutashindwa tena kwa
kishindo----vitambulisho vyenu vitunzeni katika makabati na musitembee navyo vikapotea
na kukosa haki ya kupiga kura” alisema Jumbe
Aliwataka siku ya kupiga kura
kuhakikisha taratibu zinafuatwa ikiwa na pamoja na mara baada ya kupiga kura
kurejea katika shughuli za kujiletea maendeleo na kusbiri utangazaji wa
matokeo.
 |
No comments:
Post a Comment