MAUZAUZA UCHAGUZI UDIWANI CCM, TANGA

 Tangakumekuchablog

Tanga,UCHAGUZI kumpata Diwani kata ya Kiomoni halmashauri ya jiji la Tanga, umeingia dosari baada ya wagombea watano kupinga ushindi wa Salim Hamza alieibuka kidedea na kuutaka Uongozi wa CCM kata na Wilaya kuurudia.

Wakizungumza na waandishi wa habari jana mara baada ya kutolewa matokeo hayo, wagombea hao walisema haiwezekani baadhi ya vituo kukosa hata kura moja.

Walisema katika kituo cha Mbuyuni na Mabavu mgombea, Shunda Rashid hakupata kura hata moja ilhali yeye na mke wake wamepiga kura lakini matokeo yalionyesha amepata kura sifuri.

“Mimi na mke wangu pamoja na watoto na wazazi wangu tulipiga kura kituo cha Mbuyuni ----eti matokeo yanatangazwa sikupata kura hata moja hii jamani si ni wizi wa kimachomacho” alisema na kuongeza

“Basi wizi huo ungefanyika kisayansi kura yangu na mke wangu angalau wangeiweka na watu kuamini-----sasa kupata kura ziro inamaanisha hata mimi mwenyewe sijajipigia kura jambo ambalo haliwezekani” alisema Shunda

Kwa upande wake mmoja wa mgombea wa kata hiyo,  S . M Kakuru, alisema wakati wa uhesabuji wa kura alidai kuwa alikuwa anaongoza na kushangazwa matokeo kubadilika.

Alisema katika vituo vya Muheza, Pande na Kiomoni alikuwa akiongoza hivyo kushangazwa na utoaji wa maotokeo na kuadhimia kuweka pingamizi mahakamani kulalamikia mchakato mzima wa utangazaji matokeo.

“Vituo vingi niliambiwa nimeshinda na kuwa na matumaini makubwa ya kuibuka na ushindi-=----haya matokeo ya kutangazwa usiku wa saa tisa na kutangazwa mshindi limetutia wasiwasi” alisema Kakuru

Wagombea hao wa nafasi ya Udiwani kata ya Kiomoni walikuwa ni, Kauli Makame, Shunda Rashid, Kakuru S, M, Mahendra Mulhand Shah, Abdalla Shaban na Salim Hamza ambaye ameibuka kidedea.

                                                     Mwisho

Katibu kata wa kata ya Kiomoni halmashauri ya jiji la Tanga, Ramadhani Ally, akitoa ufafanuzi wa mchakato wa uchaguzi ulivyoenda na matokeo kutangazwa  jambo ambalo wananchi walipingana nae na kuzusha tafrani na kupelekea kuondoshwa katika eneo la tukio ili kuleta hali ya usalama.

 

Wakazi wa kijiji cha Kiomoni halmashauri ya jiji la Tanga, wakimoundoa Katibu kata wa kata hiyo , Ramadhani Ally baada ya kutoa ufafanuzi wa mchakato wa matokeo katika vituo na kumtuhumu  jambo ambalo lilizusha tafrani na kuelezwa kuwa yeye hana mamlaka ya kutoa ufafanuzi wakati mshindi ameshatangazwa na kupatikana.