WAANDISHI WA HABARI WAASWA KUANDIKA HABARI KWA WELEDI UCHAGUZI MKUU

Tangakumekuchablog Moshi, WAANDISHI wa habari nchini wametakiwa kuandika habari kwa usahihi wakati wa uchaguzi mkuu mwaka huu na kuepuka kushabikia vyama na wagombea jambo ambalo linaweza kuwa chanzo cha kuharibika kwa amani. Nasaha hizo zilitolewa jana na Mwandishi mwandamizi, Atilio Tigalile  wakati wa mafunzo kwa waandishi wa habari kanda ya Kaskazini yaliyofanyika Mkoani Kilimanjaro na kuitishwa kwa pamoja na Baraza la Habri la Taifa (MCT)  na BBC Media Action. Alisema mara nyingi waandishi wa habari nyakati za chaguzi wamekuwa wakiingia katika misuguano na vyama baada ya kuandika habari za upande mmoja na hivyo kuwataka kubadilika na kurejea katika maadili yao ya kazi. Alisema mwandishi wa habari anapaswa kuzingatia taaluma yake ya upashaji wa habari na kuepuka vishawishi vya kuandika habari upande mmoja na kuacha kurubuniwa kwa vitu vidogo. “Nawaomba ndugu zangu waandishi wa habari muliopata nafasi ya kuwepo hapa na wale ambao hawapo----jiepusheni  kuandika habari za upande mmoja na kuepuka kudanganyika na  vitu vidogo vidogo” alisema Tigalile na kuongeza “Zingatieni maadili yenu ya habari kwa kuandika kwa weledi kwani kutawafanya kuwa salama na uwepo wenu popote muendapo kuchukua habari za wagombe wakati wa kampeni” alisema Alisema mwandishi wa habari anaweza kuwa chanzo cha uvunjifu wa amani endapo atakiuka maadili ya kazi yake na hivyo kuwataka kuepuka kufanya hivyo na kurejea katika mstari wa ukweli na uhuru usiopitiliza mipaka. Kwa upande wake, Mwandishi wa siku nyingi, Kyondo Mshana, aliwataka waandishi hao kuyatumia mafunzo hayo na kuwa mfano wa kuingwa kwa waandishi wengine wa vyombo vya habari. Alisema kuandika habari kwa usahihi kutamfanya mwandishi kuwa salama wakati wowote na pahala popote na hivyo kukisaidia chombo chake jambo ambalo linaweza kukiletea sifa chombo chake anachofanyia kazi. “Kuandika habari kwa usahihi kutawafanya kuwa huru na salama jambo ambalo chombo chako unachofanyia kazi kuaminika na kupendwa jambo litakalowafanya walaji kulipenda” alisema Mshana Alisema kuelekea uchaguzi mkuu mwaka huu mwandishi anatakiwa kuepuka vishawishi na kuzingatia maadili ya taaluma ya habari ili kuepuka mizozo wakati anapoenda kufuata habari kwa vyama vyote wakati wa kampeni hadi uchaguzi.                                              Mwisho Mwandishi wa habari mwandamizi, Atilio Tigalile, akitoa somo kwa  waandishi wa habari kutoka vyombo mbalimbali vya habari kutoka kanda ya Kaskazini juu ya kuandika habari kwa usahihi bila kuegemea upande wowote wa vyama  wakati wa uchaguzi mkuu unaotarajiwa kufanyika   Octobar mwaka huu,  mafunzo yaliyoitishwa  kati ya  Baraza la Habari la Taifa (MCT)  na BBC Media Action Moshi Mkoani Kilimanjaro jana . Kushoto ni mwandishi wa siku nyingi, Kyondo Mshana

People (2) mwananchipapers

Show details

 Waandishi wa habari kutoka vyombo mbalimbali vya habari kutoka  kanda ya Kaskazini wakiwa katika mafunzo mjini Moshi Mkoani Kilimanjaro jana juu ya kuandika habari za uchaguzi  kwa Ukweli na Uwazi bila kuegemea upande wowote wa vyama wakati wa  uchaguzi mkuu unaotarajiwa kufanyika Octobar mwaka huu. Mafunzo hayo yaliratibiwa kwa pamoja na Baraza la Habri la Taifa na BBC Media Action