WIZI ITOKEAPO AJALI SIO TZ PEKEE, HATA MAJUU PIA UPO

Wizi kutokea eneo la ajali sio kwa Bongo pekeyake, imemkuta na huyu mama Marekani..

Kwenye matukio ya ajali wizi nao huwa unakuwepo, yani mfano imetokea ajali wapo wanaokuja kwa lengo la kusaidia majeruhi wa ajali, lakini wapo wanaokuja na malengo na maslahi yao mengine kabisa tena bila hata kutoa msaada wowote !!

Ripoti za wizi kwenye ajali sio stori ngeni kwenye maeneo mengi ya nchi kama Tanzania, umewahi kuhisi kwamba hata Ulaya na Marekani hiyo kitu ipo?

Taarifa ikufikie kwamba imemkuta mama mmoja wa Kimarekani, Kimberly Smith ambaye alipata ajali na gari lake maeneo ya  Irving, Texas Marekani… gari ilipinduka mara tatu nje ya barabara

Mtu wa kwanza kufika eneo hilo alikuwa jamaa mmoja aliyesimamisha gari akajifanya kama anataka kutoa msaada kwa mama huyo kwa sababu alikuwa na majeraha na alikuwa amenasa ndani ya gari.

Badala ya kutoa msaada, huyo jamaa alimnyang’anya Kimberly pochi yake na kuingia kwenye gari yake, alafu akaondoka zake !! Baada ya muda kidogo akatokea msamaria mwingine ambaye alimsaidia mama huyo na kupiga simu ya dharura Polisi na Hospitali kwa ajili ya kumsaidia mama huyo.

Kwa habari, matukio na michezo ni hapahapa tangakumekuchablog