Tangakumekuchablog
Muheza,
WANAFUNZI shule ya msingi ya Machemba Wilayani hapa wamelazimika kusomea chini
ya mti kufuatia upungufu wa vyumba vya madarasa na madawati na vyakati za mvua
kukatisha masomo.
Akizungumza na waandishi wa habari
jana, Mwalimu mkuu wa shule hiyo, John Ngadallah, alisema kwa muda mrefu
wanafunzi wamekuwa wakilazimika kusomea chini ya miti kutokana na uhaba wa
vymba vya madarasa na madwati.
Alisema shule hiyo iko na wanafunzi
354 ambapo wanafunzi 122 wanasomea chini ya mti huku shule hiyo ikiwa na vyumba
vya madarasa 4.
Alisema inakuwa kero nyakati za mvua
na kulazimka kusitisha masomo kwa muda
na kwa sasa jitihada zinafanywa kuhakikisha kero hiyo inamalizwa na wanafunzi
kusoma darasani.
“Kama mulivyoona hapa wanafunzi
wanasomea chini ya miti ni kutokana na uhaba wa vyumba vya madarsa na madawati,
jambo hili linatuumiza kichwa sana kuweza kulimaliza” alisema Ngadallah na
kuongeza
“Tumepeleka maombi kwa wadau wa
elimu mbalimbali lakini muitikio bado ila
nina imani kupitia kwenu kilio chetu kitasikika” alisema
Aliwataka wadau wa elimu mashirika
na watu binafsi wenye uwezo kuisaidia shule hiyo ili kuondokana na kero ya
wananfunzi kusoma chini ya mti na kuweza kuwandaa vijana kielimu na kuwa msaada kwa taifa.
Kwa upande wake Mwenyekiti wa
Serikali ya kitongoji, Said Juma, alisema changamoto inazoikabili shule hiyo
wamelazimika kufanya mkutano wa kijiji na kukubaliana kila kaya kuchangia
matofali matatu kuanza ujenzi wa vyumba vya madarasa.
Alisema matofali hayo ni pamoja na
ujenzi wa matundu ya vyoo ambapo kwa sasa shule hiyo iko na matundu mawili moja
kwa wanafunzi wa kiume na jengine kwa wanafunzi wa kike.
“Changamoto ni nyingi shuleni pale
lakini kwanza tumeadhimia kuanza na mambo muhimu mawili kwa matatu, kuongeza
vyumba vya madarasa na madawati pamoja na matundu ya vyoo” alisema Juma
Mwenyekiti huyo aliwataka wananchi
kutoa ushirikiano na kujitolea kwa moyo mmoja ili kero hiyo kuweza kumalizwa na
kuwawezesha wanafunzi kusoma madarasani kwenye madawati.
Mwisho
No comments:
Post a Comment