KAMA ULILIKOSA KULIONA PAMBANO LA ARFICAN SPORTS NA POLISI DAR , NIMEKUSOGEZEA PICHA NA STORI

Tangakumekuchablog

Tanga, KOCHA Msaidizi wa African Sports ya Tanga inayoshiriki ligi daraja kwanza Tanzania Bara, Ali Mdoe, amesema kipigo walichokipata kutoka kwa Polisi Dar ni kutokana na wingi wa majeruhi na uchovu wa wachezaji.

Akizungumza mara baada ya kumalizika pambano lao na maafande hao kutoka Dar juzi, Mdoe alisema timu yake inapambana na majeruhi ambapo mlinda mlango namna moja hadi washambuliaji.

Alisema mbali ya kuonyesha kandanda safi lakini wenzao walikuwa wakizitumia nafasi ambazo wamekuwa wakizipata na kipindi cha pili walikaba mwanzo mwisho na kushindwa kupata upenyo wa kulifikia lango lao.

“Kikosi chengu kinasumbuliwa na majeruhi na kama ilivyoonekana mlinda mlango nambari moja hakuwepo, viungo na washambuliaji muhimu pia hawakuwemo nah ii ndio siri ya wenzetu kutufunga” alisema Mdoe na kuongeza

“Tunaingia katika mzunguko wa pili w aligi tukiwa na pointi nne kibindoni ambayo hazifurahishi, tunarudi kambini kuzitafakari na nini tuafanye ili kushinda mfululizo mechi zilizoko mbele yetu” alisema

Mdoe aliwataka wachezaji wake kujituma kwa nguvu zote kwa kufanya mazoezi pumzi na viungo mfululizo kuhakikisha mzunguko wa pili wa ligi wanafanya vizuri na washabiki wa timu hiyo kuwa na imani ya ushindi.

Kwa upande wake Kocha wa Polisi Dar , Ngero Njanyaba, alisema ushindi wa mabao mawili ugenini umewaweka katika nafasi nzuri na kuwapa changamoto wachezaji wake kujiamini.

Alisema kucheza ugenini na kunyakua pointi tatu muhimu ni faraja ambayo inakupa nguvu ya kuendeleza ushindi kwa kila mchezo ambao uko mbele yako .

‘Africansports ni timu nzuri na ilicheza vizuri kipindi cha pili lakini tulitambua kuwa wataingia kama mbogo aliejeruhiwa jambo ambalo lilinifanya kuwabadilisha beki na kuongeza viungo” alisema Njanyaba

Alisema kwa ushindi huo wa ugenini anawapa pongezi wachezaji wake kwa kucheza kwa bidii na kuzilinda pointi tatu muhimu Mkwakwani hivyo kwa sasa mawazo yao ni mchezo ambao uko mbeleni.

                                               Mwisho

Wachezaji wa Polisi Dar wakitoka uwanjani kwa furaha  baada ya kuifunga African sports