WALETENI HAO MJI NJOMBE TUWAONYESHE KANDANDA LA TANGA, COASTAL WAJIPA MOYO

Tangakumekuchablog

Tanga, KOCHA wa Coastal Union ya Tanga inayoshiriki ligi daraja la kwanza Tanzania Bara, Mohammed Kampira, amesema yuko na imani na kikosi chake na wako tayari kuvaana na timu ya Mji Njombe Mkwakwani Jumapili.

Akizungumza mara baada ya kumalizika mazoezi uwanja wa Desouza jana, Kampira alisema wachezaji wake wote wako fiti na wamekuwa wakifanya mazoezi kwa siku mara mbili mfululizo.

Aliwataka washabiki wa timu hiyo kuwaombea ili waweze kuibuka na ushindi na kuwaahidi kwa maelekezo ya wakufunzi wa timu hiyo kila mchezo yuko na hamasa ya ushindi.

“Tumekuwa tukifanya mazoezi mfululizo asubuhi na jioni pamoja na mazoezi mepesi mepesi yakiwemo ya viungo, kila mmoja ukimwambia kuhusu mchezo ulioko mbele anakwambia niko fiti” alisema Kampira

Kwa upande wake nahodha wa timu hiyo , Mbwana Kibacha, alisema wamejiandaa vya kutosha na kutoa burudani uwanjani kwa kucheza kwa ufundi baada ya maelekezo ya kocha wao.

Alisema kutokea kipa hadi mshambuliaji wa mwisho wamejipanga hivyo kuwataka washabiki wa timu hiyo kutarajia kunyakua pointi tatu muhimu Mkwakwani kesho Jumapili.

                                                       Mwisho

 Mipira ya kichwa unaruka kama hivi, ndivyo wanavyoonekana wachezaji wa Coastal Union wakati wa mazoezi