HADITHI, ALIYEMUUA MCHUMBA WANGU SEHEMU YA 18

HADITHI

 

ALIYEMUUA MCHUMBA WANGU 18

 

ILIPOISHIA

 

“Ni kweli alinituma nimuue Maria. Sikujua ni kwanini alitaka Maria afe lakini mbali na hilo bila shaka alijua kuwa nitakamatwa na alishapanga kumchukua mke wangu. Mtu yule ni mshenzi sana”

 

“Nataka uende ukamuue!” James alirudia kumwambia kwa mkazo.

 

“Ameniweka katika wakati mgumu hivi sasa. Miezi sita niliyokaa ndani nimepoteza kila kitu, nyumba, mke na pesa…”

 

“Kwa tatizo la pesa nitakusaidia. Unahitaji kiasi gani cha kuanzia maisha?”

 

“Kama milioni moja hivi”

 

“Nitakupatia laki tano, ukimuua huyo mtu aliyekutuma umuue Maria, nitakumalizia laki tano hapo hapo”

 

“Utanipatia sasa hivi?”

 

“Kama tumekubaliana nitakupatia”

 

“Bado nitkuwa na tatizo la usafiri”

 

“Nitakukodia gari”

 

“Sawa. Nipatie hizo pesa na usafiri. Nitakwenda kumuua”

 

“Unadhani utaweza kumpata kwa leo?”

 

“Kwa leo si rahisi, nipe siku tatu”

 

“Sawa. Sasa twende kwenye ATM nikatoe pesa”

 

James akanyanyuka. Simon naye akainuka. Walitoka nje wakajipakia kwenye gari la James na kuondoka.

 

“Ulifahamianaje na Dokta Kweka?” James alimuuliza Simon wakati gari likiwa kwenye mwendo.

 

“Alinitafuta”

 

SASA ENDELEA

 

“Umesema hujui ni kwanini alitaka Maria afe?”

 

“Sijui”

 

“Nilikuja kugundua kuwa Maria alikuwa mchumba wake. Maria akavunja uchumba baada ya kukutana na mimi. Hicho ndicho kilichomtia uchungu”

 

Simon akamkubalia kwa kichwa.

 

“Sikuona sababu ya wewe kunyongwa, yeye abaki akiwa mzima. Bali niliona sababu ya wewe kubaki mzima ili umuue yeye” James akamwambia Simon.

 

“Ulifanya uamuzi wa busara sana. Kwa sababu yeye ni jeuri nitamuua na nitamchukua mke wangu. Bila kumuua sitaweza kumpata”

 

Walikwenda katika ATM, James akatoa shilingi laki nne. Alirudi kwenye gari akampa Simon pesa hizo.

 

“Hizo ni shilingi laki nne” alimwambia huku akiliondoa gari. Akaongeza.

 

“Shilingi laki tatu ni zile tulizozungumza na shilingi laki moja ni ya kukodi gari”

 

“Sawa” Simon alimkubalia na kuzitia pesa hizo mifukoni.

 

“Sasa nikupeleke wapi?”

 

“Kaniache mjini ili niweze kukodi gari”

 

“Tutawasiliana vipi?”

 

“Sina simu”

 

“twende nikakununulie moja”

 

Walikwenda Kariakoo. James alisimamisha gari kwenye duka moja la simu. Akashuka na Simon. Waliingia kwenye duka hilo James akanunua simu moja ya bei rahisi na kumpa Simon.

 

Alimuandikia namba yake ya simu na kumpa.

 

“Namba yangu ni hiyo. Ukinunua laini utanipigia” alimwambia.

 

“Usijali”

 

Wakaachana hapo hapo.

 

Simon alikwenda kuazima gari la jambazi mwenzake. Aliliomba kwa siku tatu na akampa ile shilingi laki moja. Alikwemda kujaza mafuta mwenyewe.

 

Breki yake ya kwanza ilikuwa nyumbani kwake Temeke. Alitaka aanze uchnguzi ili ajue kama kweli mke wake hakuwepo. Alipobisha mlango wa nyumba hiyo aliyetoka alikuwa mwanamke mwingine.

 

“Karibu” aliambiwa huku mwenyeji wake akimtazama machoni.

 

“Namuulizia Vicky”

 

“Humu ndani hakuna mtu anayeitwa Vicky” alijibiwa.

 

“Alikuwepo labda kama amehama”

 

“Inawezekana ni mpangaji wa zamani kwani sisi tumeingia katika nyumba hii kama miezi minne iliyopita”

 

“Sawa, basi asante sana”

 

Simon alipoondoka hapo aliona akatafute gesti ya kupangisha chumba atakacholala siku ile na kisha aanze kumtafuta Dokta Kweka.

 

Alipata chumba katika gesti moja iliyokuwa Kimara. Hapo hapo alinunua laini na kuchaji simu aliyonunuliwa. Wakati simu inapata chaji alikwenda kwenye mkahawa mmoja ulio jirani kupata chakula. Wakati anakula mawazo yalikuwa yametanda kwenye kichwa chake.

 

Alijiambia kuwa Dokta Hiza alikuwa amemtenda kosa baya sana kumchukua mke wake na hivyo atakapokutana naye hatakuwa na sababu yoyote ya kumlaumu wala kubishana naye.

 

“Nitamlipua hapo hapo!” alijiambia kwa hasira.

 

Baada ya kumaliza kula alirudi gesti akaichukua simu na kupiga namba za mke wake. Simu yake iliita kisha ikapokelewa.

 

“Halo Vicky!”

 

“Wewe nani?” Sauti aliyoitambua kuwa ni ya Vicky ikamuuliza.

 

“Mimi Simon, nimetoka jela leo. Uko wapi?”

 

“Ndoa yetu ilishavunjwa na Padre baada ya wewe kukabiliwa na kesi ya mauaji. Hivi sasa mimi si mke wako tena. Naomba usinipigie simu”

 

Simon sasa aliamni kuwa Vicky alikuwa amechukuliwa na Dokta Kweka.

 

“Padre gani aliyevunja ndoa yetu wakati mimi nipo? Ni nani huyo aliyekupa wazo la kwenda kwa Padre?” Simon akamuuliza.

 

Hapo hapo Simon alisikia sauti ya Dokta Kweka kwenye simu ikimuuliza.

 

“Wewe nani?”

 

“Mimi Simon, ninahitaji kuonana na wewe”

 

“Sikutambui. Tafadhali acha kufuatilia maisha ya watu”

 

Simu ikakatwa. Simon alipiga tena lakini simu haikupokelewa.

 

Sasa alikuwa ameugundua ushenzi wa Dokta Kweka.

 

“kitendo chake hakitasameheka!” alijiambia kwa hasira.

 

Alikumbuka kwamba mke wake hakuwa amefika mahakamani tangu aliposomewa mashitaka ya mauaji. Akajimbia kutofika kwake kunatokana na kurubuniwa na Dokta Kweka.

 

“Kama alikwenda kweli kwa Padre kuvunja ndoa yetu alipelekwa na Kweka ili ahalalishe ufuska wake” Simon alijiambia.

 

“Sasa sina haja tena ya kungoja kuhakikisha, nimeshahakikisha na kuthibitisha kuwa Kweka ni mpenda wanawake na amemchukua mke wangu” Simon aliendelea kujiambia.

 

Alihakikisha kuwa kilichobaki kwa upande wake ni kitu kimoja tu, kumuonesha Kweka kuwa yeye Simon alikuwa mshenzi zaidi. Na hilo atalijua Kweka akiwa ahera.

 

Simon alijilaza kitandani akaendelea kuwaza hadi saa kumi jioni. Alikwenda kuoga na kuvaa tena nguo zilezile alizotoka nazo jela. Wakati wote alikuwa akimlaani Dokta Kweka.

 

Alipomaliza kuvaa alitoka akajipakia kwenye gari na kuelekea nyumbani kwa James. Alipofika alishuka kwenye gari akabisha mlango. Mlango ulifunguliwa na James aliyekuwa amejifunga taulo kunoni.

 

“Karibu Simon, nimefarijika kukuona tena” James alimwambia.

 

Simon alipita ndani.

 

“Karibu ukae” James alimwambia huku akifunga mlango.

 

Simon akakaa. James naye alikaa kando yake.

 

“Nimegundua kuwa maneno uliyoniambia ni ya kweli” Simon akamwambia James.

 

“Umegunduaje?”

 

“Nilimpigia simu Vicky akaniambia ameshavinja ndoa yangu kwa Padre hivyo mimi si mume wake tena”

 

“Nilikueleza hivyo baada ya kufanya utafiti wa kina”

 

“Halafu hapo hapo Dokta Kweka alichukua simu kutoka kwa  Vicky akaniambia hanitambui na nisifuatilie maisha yao”

 

“Umechukua hatua ya maana kusadikisha maneno yangu. Huo ndio ukweli wenyewe”

 

“Sasa kuna kitu kimoja…”

 

“Kitu gani?”

 

“Nataka unipe pesa ya kukodi bastola, kwa sasa sina bastola”

 

“Kiasi gani?”

 

“Kukodi kwa siku moja ni shilingi elfu themanini, nitaihitaji kwa siku tatu”

 

“Kwa hiyo itakuwa laki mbili na arobaini”

 

“Ndiyo, laki mbili na arobaini”

 

“Utazihitaji sasa hivi?’

 

“Ikiwezekana”

 

“Subiri”

 

James alinyanyuka akaingia chumbani kwake. Baada ya muda kidogo alitoka akiwa na shilingi laki mbili na arobaini mkononi.

 

“Chukua”

 

Alimpa Simon ambaye alizipokea na kuzitia kwenye mfuko wa koti lake.

 

“Utahitaji kitu kingine?” James alimuuliza huku akiketi.

 

“Nikihitaji nitakwambia”

 

“Unapafahamu anapoishi huyu mtu”

 

ITAENDELEA.