JANGALU AJIPA MOYO KUVUKA KIHUNZI

Tangakumekuchablog

Tanga,KOCHA Mkuu wa Coastal Union ya Tanga, Ali Jangalu, amewataka wachezaji wake kujituma uwanjani ili kuweza kupata ushindi mfululizo katika kipindi cha ligi ya lala salama.

Akizungumza mara baada ya kumalizika mazoezi uwanja wa Mkwakwani jana, Jangalu, alisema kila mchezaji anatakiwa kujua wajibu wake uwanjani na kusema kuwa siri ya mafanikio ni kucheza kwa kuelewana.

Aliwataka wachezaji hao kufanya mazoezi  mfululizo kwa kujituma asubuhi na jioni kwa madai kuwa muda huu sio wa kulala kwani ndio kipindi cha kujua mbichi na mbivu,

“Hadi sasa sina majeruhi na vijana wangu wameiva na wako tayari kupambana na timu yoyote iliyoko mbele yao na wamedhamiria kuibu na ushindi kila mchezo ulio mbele yao” alisema Jangalu na kuongeza

“La furaha kwangu nikuwaona wachezaji wangu wote wako fit na wanajituma katika mazoezi na wamedhamiria kushinda mchezo na Mbeya City mwishoni mwa wiki na ninasema tutashinda” alisema

Alisema hadi sasa hakuna majeruhi kuanzi kipa hadi washambuliaji hivyo kuwataka washabiki wa timu hiyo kuwaunga mkono katika mechi zao zilizo mbele yao.

Aliwataka kuwashangilia kwa nguvu katika mechi  zote za ugenini na nyumbani ili kuweza kupata ushindi mnono na kuweza kujiweka nafasi nzuri ya kubakia kucheza ligi msimu ujao.

                                                      Mwisho

 Kocha Mkuu wa Coastal Union ya Tanga, Ali Jangalu akiwaangalia vijana wake wakipita mbele yake mara baada ya kumaliza mazoezi uwanja wa Mkwakwani.