BRAC YAWAFUNDA WAKULIMA WA KILIMO CHA MAHINDI, TANGA

Tangakumekuchablog

Tanga, WAKULIMA wa kilimo cha mahindi  Tanga, wametakiwa kuunda vikundi  vitakavyopelekea kupeana taarifa za kupatikana  masoko  ili  kuepuka kulanguliwa na watu wenye pesa.

Akizungumza katika warsha ya siku moja ya Wadau wa Mnyororo wa thamani wa mahindi  iliyoitishwa na BRAC, jana kupitia Mradi wa kuziwezesha Kaya Masikini Vijijini (LEAD) , Msimamizi wa kilimo  Tanga na Morogoro, Gwakisa Albon, alisema wakulima wengi  wa  kilimo wamekuwa  hawaendelei kwa kutojua upatikanaji wa masoko.

Alisema hali hiyo imekuwa chanzo cha kutokuwa na soko la uhakika jambo ambalo linapelekea kulanguliwa mazao yao na hivyo kuwa chanzo cha kuwa watumwa wa matajiri.

“Hapa tupo na wakulima wa mahindi na wauzaji wa pembejeo za kilimo pamoja na wadau wa kilimo----tunatambua kuwa wakulima wengi hawaendelei kutokana na kutokuwa na umoja” alisema Albon na kuongeza

“Nawaomba nyinyi wakulima hebu undeni vikundi ambavyo mutaweza kupeana taarifa za masoko na kilimo----kuwa mbalimbali kunapelekea kuwa masikini na mtaji wa matajiri” alisema

Kwa upande wake, Mkulima wa kijiji cha Pongwe Gedion Chagonja ametaka Serikali kupunguza gharama za pembejeo ili kuweza kulima kilimo cha ksasa chenye tija ikiwa na pamoja na kuwakopesha wakulima.

Alisema wakulima wengi wanashindwa kuendeleza kilimo chao kutokana na gharama kubwa  za pembejeo za kilimo na hivyo  kulima kilimo cha mazoea jambo ambalo linarudisha nyuma nguvu kazi katika sekta ya kilimo.

“Tunaiomba Serikali kupunguza pembejeo zakilimo pamoja na kutukopesha kwani sisi wakulima wadogo wadogo  tuko katika wakati mgumu wa kuendeleza kilimo chetu” alisema Chagonja

Chagonja pia ameishauri Serikali kupanga bei moja ya pembejeo za kilimo na kuondokana na mfumo wa sasa wa bei tofauti jambo ambalo limekuwa likiwachanganya wakulima.

Alisema bei kuwa tofauti imekuwa ikiwapa kero wakulima hao na hivyo kuitaka Serikali kuingia kati mfumuko wa bei za kiholela ili kuwa wezesha wakulima kulima kilimo cha ksiasa na kuondokana na nkilimo cha mazoea.

                                              Mwisho

 Washiriki wa Warsha ya Wadau wa  Mnyororo wa Thamani wa Mahindi Tanga wakiwa katika mafunzo ya namna ya kulima kilimo chenye tija iliyoandaliwa na BRAC kupitia mradi wa kuenua kaya masikini vijijini (LEAD) warsha iliyofanyika Tanga jana.

 Afisa Masoko Mradi wa  BRAC Kupitia Mradi wa kuenua kaya masikini vijijini (LEAD) akitoa somo la namna ambavyo wakulima wanaweza kuendesha kilimo chao kwa faida ikiwa na pamoja na kuunda vikundi pamoja na kuyafikia masoko.